Andvari - 01.01.1971, Blaðsíða 31

ANDVAIU
HIÐ ÍSLENZKA ÞJÓÐVINAFÉLAG
29
Á fyrst afundi þeirrar stjórnar, sem kosin var vorið 1967, höldnum 19. maí
sama ár, segir fundargerð svo:
,,Rætt var um hag félagsins og afstöðu þess til bókaútgáfu Menningar-
sjóðs. Samþykkt var að ræða þessi mál nánar á næsta fundi, sem ákveðið var
að halda mjög bráðlega."
Þá er og nýskipan Almanaksins ákveðin: „Fundurinn staðfesti formlega
að fela dr. Þorsteini Sæmundssyni áfram ritstjórn Almanaks Þjóðvinafélagsins
og bað hann að ganga frá reglum um útgáfu almanaka og dagatala og greiðslu
fyrir efni, sem fengið væri úr Almanaki Þjóðvinafélagsins, og leggja fyrir
næsta fund.“
Áfram er haldið á næsta fundi, 6. júní 1967: „Dr. Þorsteinn Sæmundsson
lagði fram tillögu að reglum um útgáfu og innflutning almanaka og dagatala.
Reglur þessar voru samþykktar með smávægilegri orðalagsbreytingu og við-
auka ... Dr. Þorsteini var falið að auglýsa þessar reglur á fullnægjandi hátt.“
Rætt var um hina sameiginlegu bókaútgáfu Menningarsjóðs og Þjóðvina-
félagsins og hver tök væru á að skilja að fjáfhag þessara aðila, m. a. með því
að verðleggja Almanakið og Andvara sérstaklega hvort um sig. Enn fremur
var talið æskilegt, að Þjóðvinafélagið ætti að nýju hlut að ritstjóm Andvara.
Forseta og Bjarna Vilhjálmssyni var falið að ræða þessi mál við forráða-
menn Menningarsjóðs. ..
Að vandlega yfirveguðu og ræddu máli var eftirfarandi bréf sent Mennta-
málaráði:
„Á fundi í stjórn Flins íslenzka þjóðvinafélags, höldnum 28. september
1967, var samþykkt að beina eftirfarandi erindi til Menntamálaráðs, svo sem
til áréttingar og í framhaldi af viðræðum þeim, er fulltrúar Þjóðvinafélagsins
áttu við formann Menntamálaráðs og framkvæmdastjóra Bókaútgáfu Menn-
ingarsjóðs og Þjóðvinafélagsins í júnímánuði.
Stjórn Þjóðvinafélagsins telur, að hún og Menntamálaráð verði hið fyrsta
að gera upp mál sín, hver þeirra séu sérmál hvors aðila og hver sameiginleg
og þá með 'hverjum hætti.
Stjórnin telur t. a. m., að Almanakið, bæði hið minna, fslandsalmanakið,
og meira, Þjóðvinafélagsalmanakið, tilheyri algerlega Þjóðvinafélaginu. Það eigi,
svo sem verið hefur, að annast útgáfu þcss og þá jafnframt kosta hana og
njóta arðs af henni. Til þess að svo megi verða, þarf að gera upp hvort tveggja
almanakið, fá vitneskju um það, hvað útgerð þess kostar, og verðleggja það
síðan svo, að tryggt sé, að Þjóðvinafélagið hagnist nokkuð á því.
Um Andvara er það að segja, að honum er samkvæmt nýrri skipan frá
árinu 1959 ætlað að vera tímarit Bókaútgálu Menningarsjóðs og Flins íslenzka