Andvari - 01.01.1978, Síða 100

98
ÁKI GÍSLASON
ANDVAKI
í Vigur og Sigurður Lýðsson, þ. e. alls
um 20 manns.
Mjög var gestkvæmt í Vonarstræti
12. Bjarni frá Vogi kom oft í heimsókn
til Skúla. Ræddu þeir saman um stjórn-
málabaráttuna á skrifstofu hans. Bjarni
skrifaði stundum í blaðið, aðallega um
stjórnmál. Einnig var Jón Baldvinsson
tíður gestur. Hann vann þá í Guten-
berg og gegndi auk þess ýmsum öðrum
störfum. Mikið var um gesti utan af
landi, og margir árgangar skólafólks
voru heimagangar.
TILVITNANIR:
1. Viðtal Áka Gíslasonar við Harald Jónsson 1.7. 1973 (óprentað).
2. Ibid.
3. Viðtal Áka Gíslasonar við Bolla Thoroddsen 30.4.1973 (óprentað).
IV. Þjóðviljinn.
1. Efni Þjóðviljans á BessastöSum.
í auglýsingu, er birtist í 51. tbl. 18.
árg. Þjóðviljans árið 1904, er sagt,
hvaða efni blaðið eigi að flytja og hver
séu helztu áhugamál þess. Segir þar:
,„,Þjóðv.“ flytur greinilegar fréttir, inn-
lendar og útlendar. „Þjóðv.“ flytur
skemmtilegar sögur, neðan máls, í flest-
um nr. sínum. „Þjóðv.“ skýrir frá nýj-
um uppfundningum, og flytur fræði-
greinar ýmiss konar. „Þjóðv.“ flytur
ýmiss konar drauma- og kynja-sögur,
er styðjast við sanna atburði. „Þjóðv.“
ræðir öll landsmál hlutdrægnislaust,
frjálslega og einarðlega, og dekrar
hvorki fyrir landstjórnarmönnum né
öðrum. ,,Þjóðv.“ lætur sér sérstaklega
annt um það, að vernda réttindi og
sjálfstæði landsins gegn eriendum, eða
innlendum, yfirgangi. „Þjóðv.“ styður
öfluglega allar atvinnugreinar þjóðar-
innar, og hvers konar viðleitni ein-
stakra manna, er til framfara lýtur.
„Þjóðv.“ styður vísindi, og fagrar listir,
og flytur ritdóma um nýjar bækur, sem
blaðinu eru sendar í því skyni. „Þjóðv.“
telur sér ekkert mannlegt óviðkomandi
vera.“
Aðalefni blaðsins voru innlend mál-
efni. Þjóðviljinn var fyrst og fremst
pólitískt málgagn Skúla Thoroddsens.
Var því mikið um pólitísk skrif í blað-
inu. Mestan áhuga hafði Skúli á sam-
bandsmálum íslands og Danmerkur og
þá sérstaklega eftir 1908, en það ár
sat hann í milliþinganefndinni. Skúli
þótti góður blaðamaður og greinar hans
léttilega skrifaðar og auðskildar. Hann
gat verið óvæginn í skrifum, þegar um
var að ræða pólitísk mál, t. d. réttinda-
baráttu Islendinga.
Undir fyrirsögninni „Bessastaðir"
voru fréttir úr Reykjavík og nágrenni,
en eftir að prentsmiðjan var flutt til
Reykjavíkur, voru ýmsar fréttir úr bæn-
um undir fyrirsögninni „Reykjavík“.
Fréttir frá útlöndum birtust í flestum
tölublöðum Þjóðviljans, og bárust frétt-
irnar með þeim skipum, sem sigldu til
landsins. Voru tíðum samdar greinar úr
efni, sem birtist í erlendum blöðum.