Menntamál - 01.12.1963, Page 39

MENNTAMÁL
125
skorðum og maður mætti koma í manns stað, lagði hann
því kapp á að þjálfa unga kennara til þess að verða færir
um að taka að sér æfingakennslu í þessari grein og öðr-
um fleiri.
Auk skyldukennslu flutti hann fjölmörg erindi, eink-
um í hópi kennara, kenndi á fjölmörgum námskeiðum og
ritaði sæg greina um uppeldis- og kennslumál í blöð og
tímarit, og sarndi kennslubækur í sérgreinum sínum, eink-
um lestrarkennslunni og átthagafræðikennslunni. Rit þessi
eru flest fjölrituð, en veigamesta rit hans, Áttliagafrœði,
leiðheiningar fyrir kennara og foreldra, kom út hjá Ríkis-
útgáfu námsbóka 1962. Þá þýddi hann fjölda af barna- og
unglingabókum. Ritskrá verka hans bíður eflaust síns tíma,
en Gagn og gaman, lesbók fyrir byrjendur I—II (er hann
gerði í félagi við Helga Elíasson fræðslumálastjóra) mun
trúlega koma fyrir augu fleiri íslenzkra barna en nokkur
kennslubók önnur, jafnvel nokkur bók önnur.
Þessi fáu orð um lítið brot af lífsstarfi ísaks Jónssonar
munu ekki færa ókunnugum ljósa mynd af kennaranum
ísak Jónssyni, hvað þá manninum, en við fráfall hans er
höggvið stórt skarð í kennaralið Kennaraskólans, og verður
sæti hans Jjar vandskipað. Hann var lifandi sönnun um lif-
andi manndóm, en svo hart er nú leikin trúin á verðleika
manneskjunnar, að ungum mönnum er ótæp þ<")rf á heilum
kynnum af mannkostamönnum.
ísak Jónsson var kvæntur hinni ágætustu konu, Sigrúnu
Sigurjónsdóttur frá Nautabúi í Hjaltadal. Heimilis- og
barnalán þeirra var mikið.
Kennaraskóli íslands þakkar ísak Jónssyni starf hans allt
við skólann, Jrær þakkir ná einnig til ástvina lians í harmi
þeirra við dauða hans og í hamingju þeirra af minning-
unni um flekklaust líf, því að hver sem persónuleikinn er,
verða aldrei gerð full skil á honum og ástvinum hans.
Br. J.