Menntamál - 01.12.1963, Side 42

128
MENNTAMAL
Við höfum enga glögga mynd a£ þróuninni í afbrota-
málum barna og unglinga í borginni frá einu tímabili til
annars. Að vísu hefur barnaverndarnefnd talið og skráð
þau börn, sem til hennar hefur verið vísað, en þær skýrsl-
ur veita ekki traustar upplýsingar um hina raunverulegu
þróun. Vitað er, að skráning brota í fyrsta flokknum, á
ákvæðum lögreglusamþykktar, er háð lögreglueftirliti, sem
er breytilegt frá ári til árs. Svipuðu máli gegnir um sið-
ferðis- og velsæmisbrot. Fullvíst má telja, að brot af þessu
tagi séu mun fleiri en opinberar skýrslur segja til um. Að
margra áliti hefur brotum af þessu tagi stórfjölgað á und-
anförnum árum, þótt ekki verði færðar fyrir því tölulegar
sannanir.
Tölur barnaverndarnefndar yfir hegningarlagabrot kom-
ast sennilega næst því að endurspegla hina raunverulegu
þróun, vegna þess að kapp er lagt á að upplýsa brot af
þessu tagi. Yfirlit yfir tvo síðustu áratugi gefur til kynna,
að þessum börnum fjölgi ekki örar, en svarar til fólksfjölg-
unar í borginni. Hér eru þó ekki öll kurl komin til grafar.
Mér er ekki grunlaust um, að brotaskráning hafi verið
nokkru smámunalegri á fyrri árum og jiví hlutfallslega
fleiri komizt í skýrslur barnaverndarnefndar en nú. I öðru
lagi hefur dregið úr því að skýrslur um afbrot unglinga
milli 15 og 16 ára séu sendar til barnaverndarnefndar, síð-
an lög um sakaruppgjöf unglinga komu til framkvæmda
1955. Líkur benda því til, að fjölgunin síðustu árin sé
nokkru meiri en áður nefnt yfirlit gefur til kynna.
Mörgum mun leika hugur á samanburði við önnur lönd,
hvað snertir tíðni slíkra brota. Sá samanburður er hins veg-
ar ýmsum erfiðleikum bundin. Er mér aðeins kunnugt um
niðurstöður einnar slíkrar tilraunar, sem tók til saman-
burðar milli Oslo og Reykjavíkur árið 1959. Vegna munar
í skýrslugerð takmarkaðist samanburðurinn við börn 13 ára
og yngri. Á þessu ári voru 80099 börn á nefndum aldri í
Oslo. Af Jreim frömdu 197 hegningarlagabrot eða um 2,5