Sjómannadagsblaðið - 05.06.1988, Qupperneq 86

84
SJÓMANNADAGSBLAÐIÐ
nmiaicilr
Stjórn Sjómannadagsráðs. Sitjandi eru Garðar Þorsteinsson ritari, Pétur Sigurðsson formaður og Þórhallur Hálfdánarson gjald-
keri, en standandi meðstjórnendurnir Grétar Hjartarson og Guðmundur Hailvarðsson. Sjómannadagsblaðið/Bjöm Pálsson.
við nýtt Hrafnistu-heimili eru fyrir-
hugaðar, a.m.k. ekki á næstu árum.
Það má segja það sé ærið verk að
halda utan um þann rekstur sem við
höfum nú með höndum, en það
kemur ekki til álita í þessum samtök-
um að hætta allri uppbyggingu, þó
við verðum að hægja á okkur í bili.
Jú, Sjómannadagshaldið hefur
verið með hefðbundnum
hætti allt frá upphafi. Að
morgni göngum við til messu og
minnumst þeirra sjómanna sem lát-
ist hafa við störf sín frá síðasta Sjó-
mannadegi, eftir hádegi fara fram
hin hefðbundnu hátíðahöld og loks
gleðjast menn saman að kveldi.
Hér áður fyrr lágu skip yfirleitt
alltaf í höfn á Sjómannadaginn, en á
síðari árum hefur dregið mjög úr því
og sjómenn hafa í æ minna mæli get-
að tekið þátt í kappróðri og skemmt-
unum dagsins vegna þess að skip
þeirra hafa ekki verið í höfn. Við
vonum að á þessu verði breyting nú
þegar Alþingi hefur lögfest Sjó-
mannadaginn sem lögbundinn frí-
dag sjómanna og það reynir fyrst á
það nú á fimmtíu ára afmælinu.
Aðsókn borgarbúa að hátíðahöld-
um dagsins hafði lengi farið dvínandi
og vorum við orðnir uggandi um
framtíð dagsins síðustu árin sem við
héldum hann í Nauthólsvík. En
þegar við fluttum hátíðahöldin aftur
í Reykjavíkurhöfn tóku borgarbúar
undireins við sér og aðsókn hefur
farið sívaxandi síðan og verður að
teljast mjög viðunandi. Veðrið ræð-
ur skiljanlega miklu um aðsóknina
og við vonum sannarlega að við
verðum heppnir með veður á afmæl-
isdaginn og fólk fjölmenni, því nú
verða hátíðahöldin veglegri en
endranær.
Fimmtudaginn 2. júní mun forseti
íslands, frú Vigdís Finnbogadóttir
heimsækja Hrafnistu í Hafnarfirði,
heilsa upp á vistmenn og starfsfólk,
skoða handavinnusýningu vist-
manna og drekka með þeim síðdeg-
iskaffi. Föstudaginn 3. júní mun frú
Vigdís eiga samskonar heimsókn á
Hrafnistu í Reykjavík. Þann sama
dag eigum við von á þremur glæsi-
legum skútum til landsins, sem vænt-
anlega sigla inn á ytri höfnina milli
klukkan fjögur og fimm. Að lokinni
síðdegisstund sinni með vistmönn-
um mun forseti ganga til hátíðar-
fundar Sjómannadagsráðs í Laugar-
ásbíó sem hefst klukkan fimm. Auk
forseta hefur biskup íslands, ráð-
herrum og öðrum framámönnum
þjóðarinnar verið boðið, ásamt full-
trúum Sjómannadagsráðs og mök-
um þeirra.
A hátíðarfundinum flytur Þor-
steinn Pálsson forsætisráðherra
ávarp. Flutt verða tvö tónverk eftir
Sigfús Halldórsson, Þakkargjörð
sem síra Sigurður Helgi Guðmunds-
son hefur samið kvæði við og Arnar-
rím, sem Sigfús hefur samið við vísur
og kvæði Arnar Arnarsonar, en Sjó-
mannadagurinn á höfundarrétt á
verkum skáldsins. Pétur Sigurðsson
formaður Sjómannadagsráðs mun
flytja hátíðarræðu á þessari sam-
komu. Þá verður væntanlega unnt
að sýna heimildarkvikmynd um sögu
Sjómannadagssamtakanna sem
Gísli Gestsson vinnur að um þessar
mundir.
Hátíðahöld laugardagsins 4. júní
verða að miklu leyti helguð starfi
Slysavarnafélags íslands í tilefni 60
ára afmælis þess fyrr á árinu. Full-
trúar í Sjómannadagsráði munu
heimsækja höfuðstöðvar Slysa-
varnafélagsins vestur á Grandagarði