Uppeldi og menntun - 01.01.1994, Side 33

GUÐNÝ GUÐBJÖRNSDÓTTIR
árið 1985 að drengir og stúlkur voru með mjög hefðbundnar hugmyndir allt frá 11
ára aldri um hvaða störf henti konum og körlum. Því þótti mikilvægt að hefja mark-
vissa fræðslu í fyrstu bekkjum grunnskólans um það að flest störf eða öll væru á
færi beggja kynja. Við matið á því verkefni var hafður samanburður við 14 sambæri-
lega samanburðarbekki sem ekki fengu verkefnisþjálfunina. Verkefnisþjálfunin
fólst í krókavinnu þar sem áhersla var lögð á að kynin tækjust á við verkefni og sæju
hvort annað vinna að verkefnum sem eru fremur tengd við annað kynið en hitt. 1
krókunum var unnið í hópum að smíðum, tækni (tæknilego), hannyrðum, heimilis-
fræði og umönnun (Ve 1991).
Þróunarverkefnið í Myllubakkaskóla er fyrsta verkefnið um jafnstöðu kynjanna
sem Þróunarsjóður grunnskóla hefur styrkt, en undanfarin ár hefur verið unnið
markvisst að jafnstöðu kynjanna í skólum á vegum menntamálaráðuneytisins í
samræmi við gildandi jafnréttislög.3 Síðan hefur verið ráðist í fleiri verkefni, meðal
annars í tengslum við samnorræna verkefnið Nord-Lilia, sem snýst um jafnrétti í
skólum og kennaramenntun. Höfundur er aðili að því verkefni vegna menntunar
kennara við Háskóla íslands.4
Á fundi í Myllubakkaskóla 9. janúar 1991 var ákveðið að stefna að þrenns konar
úrvinnslu og mati á þróunarverkefninu „Strákar og stelpur í takt við tímann":
1. Verkefnaskýrslu par sem fram komi sjónarmið sem flestra sem tengjast verk-
efninu, m.a. kennara, foreldra, skólastjóra, samkennara og fræðsluskrifstofu.
2. Hugmyndabanka sem m.a. byggðist á dagbók kennara en átti að geta nýst öðr-
um kennurum og skólum.
3. Rannsóknarskýrslu um mat á áhrifum verkefnisins á nemendur með hliðsjón
af þeim markmiðum sem kennarar setja.
Höfundur þessarar greinar tók að sér síðastnefnda matsþáttinn, og birtast niður-
stöður í þessari grein. Ákveðið var að skila einni skýrslu eftir lok verkefnisins auk
nauðsynlegra vinnuplagga. Skýrsla um matið var send kennurum til yfirferðar
haustið 1993, en lokaskýrslu var skilað til Þróunarsjóðs grunnskóla og skólans í des-
ember 1993.5
Fyrst verður greint frá þeirri aðferð sem beitt var við matið, sem miðaðist við
það að athuga hvort markmiðum verkefnisins hafi verið náð. Þá verður greint frá
helstu niðurstöðum og í lokin verður rætt um gildi og helstu annmarka mats af
þessu tagi og hvaða ályktanir má af því draga.
3 Varðandi röksemdir fyrir því hvers vegna er talið æskilegt að huga vel að jafnrétti kynjanna í skólastarfi er
vísað til Skýrslu nefndar um jafna stöðu kynja ískólum (Menntamálaráðuneytið 1990) og til greinar Guðnýjar Guð-
björnsdóttur í Uppeldi og menntun frá árinu 1992. Einnig má benda á erlendar heimildir, t.d. Ve 1991, Like-
stillingssekretariatet 1991, Arends & Volman 1992, samanber umfjöllun í niöurlagi þessarar greinar.
4 Verkefnisstjóri Nord-Lilia er Anne-Lise Arnesen frá Noregi. íslenski samræmingaraðilinn fyrir Nord-Lilia er
Sigríður Jónsdóttir námstjóri í menntamálaráðuneytinu. Fyrir þá sem vilja kynna sér Nord-Lilia er bent á
fréttabréf verkefnisins, Nord-Lilia Forutn, og á handbókina Nord-Lilia Guide (Arnesen 1994).
5 Ég vil að loknu verki þakka kennurum og skólastjórnendum Myllubakkaskóla fyrir samstarfið. Sömuleiðis
þeim sem aðstoðuðu við að leggja verkefnin fyrir: Bryndísi Guðmundsdóttur, Ásu Björk Snorradóttur, Krist-
rúnu Guðmundsdóttur, Margréti Jónsdóttur og Marínu Björk Jónasdóttur. Þá vil ég þakka þeirri síðastnefndu
svo og Agnari Helgasyni fyrir þeirra framlag við úrvinnslu gagna. Einnig þakka ég ritrýnum og ritstjóra tíma-
ritsins Uppeldi og menntun fyrir gagnlegar ábendingar.
31