Uppeldi og menntun - 01.09.2004, Qupperneq 111

HRÖNN PÁLMADÓTTIR
er upptekin við að aðstoða annað barn og hann fær litla staðfestingu á því sem hann
er að gera.
Styðjandi samskipti
Leiðsögnin var í heild jákvæð og styðjandi. Börnin voru áhugasöm um verkefnið og
umræðurnar líflegar. Kennari sýndi börnunum áhuga og tókst að draga fram marga
fleti í umræðunni. Rödd Guðrúnar var hlýleg og hún brosti hvetjandi til barnanna og
nefndi nöfn þeirra. Kennari tók frumkvæði að samskiptum við Einar og leiðbeindi á
jákvæðan máta með því að taka undir það sem Einar gerði og hvatti hann til þess að
bæta við teikninguna með því að nefna nýja líkamshluta hænunnar.
Daði var stöðvaður með því að Guðrún sagði: „að Einar væri að gera eins vel og
hann gæti" þegar hann ætlaði að draga teiknikunnáttu Einars í efa og gera grín að
henni. Börnin tóku undir þetta jákvæða viðhorf og nefndu að fyrra bragði að þau
væru líka að vanda sig og voru sammála um það. Börnin voru hins vegar lítið hvött
til samskipta sín á milli eða til að aðstoða og rétta hvert öðru. ívar hafði t.d. greini-
lega fylgst með þegar Einar bað um hvítan lit í upphafi tímans því hann staðfestir að
það sé hægt að lita með hvítum lit þegar hann var búinn að prófa það, en Einar leit
ekki upp.
2. Að teikna hænu
Hópstarfið fór fram að morgni í listaskála og var upptakan 25 mínútur. í hópnum
voru átta börn, þar á meðal Símon og Jökull. Þeir sátu andspænis hvor öðrum hjá
Björk leiðbeinanda sem sat við enda borðsins við gluggann. Við hlið Símonar var
Halldóra og síðan Flóki. Við borðsendann sat Áslaug og á móti Flóka var Áki, þá Elí
og Jökull. Brynjar leiðbeinandi var til aðstoðar og stóð hann allan tímann.
í tímanum átti einnig að fara fram úrvinnsla úr vettvangsferð í Húsdýragarðinn.
Börnin áttu að teikna hænu með pinna á glerplötu sem málningu var rúllað á. Blað
var síðan lagt yfir plötuna og strokið yfir og stimplaðist myndin við það á pappírinn.
Það var eftirtektarvert hversu áhugasöm, spennt og glöð börnin voru þegar þau
komu inn í herbergið og tóku þau vel undir sönginn sem sunginn var í upphafi.
Nokkur tími fór í það hjá Björk að undirbúa myndsköpunina. Börnin sýndu því
mikinn áhuga og spurðu út í það sem hún var að gera. Hún gantaðist við þau á
meðan og börnin hlógu og tóku þátt í glensinu. Þegar undirbúningi var lokið var
stutt upprifjun á vettvangsferðinni og síðan var tekið til við sköpunina. Tvö börn
komust að í einu til þess að teikna og á meðan biðu hin börnin við borðið og fylgdust
með.
Hér á eftir verður greint frá hvernig Símon og Jökull vekja á sér athygli og hvern-
ig íhlutun Bjarkar og Brynjars leiðbeinanda var.
Spenna og tilhlökkun
Símon sest við borðið og teygir hendurnar fram og leggur þær á glerplötur sem lágu
á borðinu. Björk leiðbeinandi sér það og segir: „O, nú verð ég að þvo þetta allt aftur
109