Uppeldi og menntun - 01.09.2004, Qupperneq 166

MAT Á NOTKUN UPPLÝSINGA- OG SAMSKIPTATÆKNI ...
því samkeppnisumhverfi sem þróast hefur á sviði háskólamenntunar. Styrkleiki felst
einnig í þeirri uppbyggingu fjarnáms sem þróast hefur gegnum samstarf háskólans
við fræðslu- og símenntunarmiðstöðvar á fjarkennslustöðum hans. Með því hefur
orðið til dýrmæt þekking hvað varðar skipulag og þjónustu við fjarnema og tekist
hefur að skapa fjarnemum aðstæður til náms sem stuðlað hafa að virku námssamfé-
lagi þeirra á meðal á fjarkennslustöðum.
Ljóst er að hraður vöxtur háskólans hefur ekki að öllu leyti verið án fórna. Sérstak-
lega benda stjórnendur á að erfitt hafi verið að halda úti eins öflugu rannsóknarstarfi
og menn hefðu kosið.
í ljósi þeirra upplýsinga sem fengust í rannsókninni má draga þá ályktun að það
styrki háskólann sem stofnun á þróunarbraut að notkun upplýsinga- og samskipta-
tækni er orðin almenn bæði hjá nemendum og kennurum. Niðurstöður gefa jafn-
framt til kynna að tæknin sé að mestu notuð innan ramma hefðbundinna kennslu-
hátta. Notkun upplýsinga- og samskiptatækni í Háskólanum á Akureyri virðist því
ekki enn komin á það stig að hún stuðli að nýrri nálgun í námi og kennslu með
áherslu á nemendamiðað nám og leiðsagnarmiðaða kennsluhætti (sbr. Garrison og
Anderson, 2000). Mikilvægt er þó að hafa þann fyrirvara á að hér er lagt mat á gögn
sem að stórum hluta var safnað árið 2002. Leiða má líkur að því að síðan þá hafi
notkun tækninnar bæði aukist og tekið breytingum og gagnlegt gæti verið að kanna
með hvaða hætti notkunin hefur þróast á þeim tíma sem liðinn er síðan gögnum var
safnað.
LOKAORÐ
Háskólinn á Akureyri hefur þrátt fyrir ungan aldur vaxið frá því að bjóða upp á nám
á tveimur brautum yfir í það að geta boðið fram nám á fjölmörgum brautum frá sex
deildum. Mesti vaxtarbroddurinn hefur falist í fjarnámsframboði skólans og því hef-
ur upplýsinga- og samskiptatækni leikið mikilvægt hlutverk í þróun hans. Frá
stofnun skólans hafa breytingar á viðtekinni fræðasýn, ekki hvað síst tengdar áhrif-
um tækniþróunar á nám, leitt til þess stöðugt er farið fram á endurskoðun ýmissa
gilda, skoðana og viðhorfa sem liggja til grundvallar ákvörðunum um háskólamennt-
un. Þessu fylgir að sífellt verður áleitnari sú spurning hvaða nálgun í kennslu sé lík-
legust til að stuðla að betra námi og einnig hvað eigi að felast í því. Þegar litið er yfir
fræðasviðið virðast skilaboðin í meginatriðum samhljóma hvað þetta varðar. Flestir
kalla eftir nemendamiðuðu námi sem á sér stað í félagslegu samhengi og stuðlar að
virkni nemandans í eigin þekkingaruppbyggingu. Það er sú nálgun sem telst best til
þess fallin að veita nemendum gott veganesti fyrir það starfsumhverfi sem bíður
þeirra handan við háskólagráðuna. Upplýsinga- og samskiptatækni býður upp á
marga möguleika á þeirri vegferð en hún er aðeins verkfæri enda leikur kennslufræð-
in lykilhlutverk í nemendamiðuðu námi.
Margt má finna í niðurstöðum rannsóknarinnar sem gefur góð fyrirheit um fram-
tíðina. Fyrst er þar til að taka hversu jákvæð viðhorf virðast ríkjandi til þess að nýta
upplýsinga- og samskiptatækni í námi og kennslu. Ljóst er af niðurstöðum að stjórn-
164