Hugur - 01.06.2002, Síða 136

Hugur
Guðmundur Heiðar Frímannsson
munninn í því námskeiði hafi kennarinn dregið það sem hann sagði í
efa, spurt hann í þaula og bent honum á villur. Það varð svo til þess
að hann ákvað að taka fleiri námskeið í heimspeki til að skerpa hugs-
un sína. Hann lauk BA prófi frá Columbia-háskóla í Sidney Morgen-
besser eins og Nozick orðaði það sjálfur og hélt síðan til Princeton.
Hann hóf kennslu meðan hann var enn í námi og hélt henni áfram við
Princeton fram til ársins 1965. Þá flutti Nozick sig yfir til Harvard og
var lektor þar í tvö ár en hvarf svo til Rockefeller háskólans sem dós-
ent og var þar í tvö ár en réðist þá aftur til Harvard sem prófessor ár-
ið 1969 og var þar kennari alla tíð síðan. Hann gegndi ýmsum trún-
aðarstöðum innan Harvard, var skorarformaður árin 1981 til 1984, og
árið 1998 var hann ráðinn í sérstaka stöðu prófessors sem ekki er
bundin neinni deild eða skor. Hann gat kennt eða rannsakað hvar í
skólanum sem hann kaus. Nozick var 18. prófessorinn af því tagi sem
starfaði við Harvard það ár. Staða Nozicks var kennd við Joseph Pell-
egrino, bandarískan auðjöfur. Hann gegndi henni til dauðadags.
Árið 1959 giftist Robert Nozick Barböru Fierer. Þau eignuðust tvö
börn, Emily og David. Þau skildu. Síðari kona Robert Nozicks var
skáldkonan Gjertrud Schnackenberg. Hún lifir mann sinn, og bæði
börn hans gera það einnig.
Óvenjulega Qölhæfur heimspekingur
Doktorsritgerð Nozicks nefnist The Normative Theory of Individual
Choice og kom út árið 1991. En fyrsta bók hans var Stjórnleysi, ríki
og staðleysa sem kom út árið 1974 og vakti þegar í stað sterk við-
brögð. Ástæðan var sú að hún þótti og þykir enn óvenjulega glæsileg
bók í stjórnmálaheimspeki og skoðanirnar sem voru rökstuddar í
henni gengu þvert gegn ríkjandi viðhorfum margra háskólamanna á
þessum tíma en féll vel að sumum straumum í bandarískum stjórn-
málum þá og löngum síðan. Þessi bók gerði Nozick víðkunnan innan
heimspekinnar þegar í stað. En það sem merkilegra er gerði hún
hann þekktan meðal almennra lesenda enda varð bókin snemma
tískubók og er í raun enn. Hún er enn á markaði tæpum þrjátíu ár-
um eftir að hún kom út. Bókin varð meira að segja svo fræg að til
hennar er vísað í einum af Soprano þáttunum sem vinsælir hafa ver-
ið í sjónvarpi í Bandaríkjunum og hér á landi. í einum þættinum er
maður sem lögreglan vill kalla sem vitni í málaferlum og hefur boðið
honum vernd. Þetta tilvonandi vitni er að lesa Stjórnleysið þegar það
134