Morgunn - 01.06.1940, Qupperneq 12

6
MORGUNN-
til jarðarinnar, þvínæst um jarðlíf hans og að lokum um
líf hans og starf eftir upprisuna og fram til þessa dags.
Og í samræmi við þessa efnisskipting vil ég velja hverj-
um þessara þriggja kafla heiti eða yfirskrift á þessa
leið:
1. Spíritisminn og deilurnar um guðdóm Krists,
2. Spíritisminn og hinn sögulegi, jarðneski Jesús
Kristur — og
3. Spíritisminn og hinn himnesk-i, lifandi Drottinn
Kristur.
Hverjum þessara kafla mun ég freista að gera nokk-
ur skil.
Spíritisminn og deilurnar um guðdóm Krists.
Um fyrsta atriðið, deilurnar um guðdóm Krists, óska
ég að taka það fram þegar í byrjun, að til þess hefir
spíritisminn enga afstöðu tekið, sem bindandi sé fyrir
játendur'hans, af þeirri sjálfsögðu ástæðu, að þau deilu-
atriði liggja flest fyrir utan verkefni hans og snerta hann
því ekki beinlínis. Þó fæ ég ekki séð, að ég komist
hjá að fara nokkrum orðum um það, sem efst mun á
baugi, þegar þau mál ber á góma hjá spiritistum.
Þeir sem fylgja gömlu skoðununum á trúaratriðunum
berjast fyrir þeirri fullyrðing enn, að ekki geti verið um
neina trú á guðdóm frelsarans að ræða, nema afdrátt-
arlaust sé trúað meyjarfæðingar-lærdóminum, eins og
hann kemur fram í frásögnum guðspjallamannanna
tveggja, nfl. þeirra Matteusar og Lúkasar.
Ég geri ráð fyrir að margir spíritistar, og e. t. v. flest-
ir, neiti því alveg eindregið að trúin á yfirnáttúrlegan
getnað Jesú og trúin á guðdóm hans þurfi skilyrðislaust
að fara saman. Þeir munu benda á þá staðreynd, að
hvorki Páll postuli né heldur höfundur Jóhannesarguð-
spjalls virðist hafa svo mikið sem þekkt frásagnir hinna
tveggja guðspjalla um að Jesús hafi engan mannlegan
föður átt, en leggja þó báðir hina mestu áherzlu á guð-