Morgunn - 01.06.1940, Blaðsíða 70
64
M O R G U N N
Frú Leonard begir því næst frá því, að hún hafi fundið
sig fjarlægjast líkamann á rúminu mikið og að hún hafi
orðið óróleg af þeirri tilhugsun að e. t. v. kæmist hún
ekki að jarðneska líkamanum aftur. Þessi óttablandna
tilhugsun hafi dregið hana að líkamanum aftur; hún
hafi svifið um stund yfir rúmgaflinum og síðan numið
staðar ,,eins og einu feti“ frá honum. Þá hafi hún ákveð-
ið að halda tilrauninni áfram til hins ítrasta, hvað sem
það kostaði. Því næst hafi hún heyrt að maður hennar
lauk upp hurðinni að íbúð þeirra og var að tala við ein-
hvern frammi í forstofunni. Skyndilega hafi hún sjálf
staðið hjá þeim í forstofunni (í astral-líkamanum) og
séð, að aðkomumaðurinn, sem maður hennar var að tala
við, var gas-salinn. Þeir hafi vitanlega ekki orðið hennar
varir, og þá hafi þjónustastúlka komið upp stigann og
hafi húsbóndinn stungið smápening orðalaust í lófa
hennar. Frú Leonard segist hafa verið undrandi yfir
þessu og einsett sé, að muna nú að spyrja mann sinn
bæði um þjónustustúlkuna og gas-salann, þegar hún væri
komin til sjálfrar sín í jarðneska líkamanum.
,,Án þess að vita hvernig það gerðist“, var frú Leon-
ard skyndilega komin í svefnherbergi sitt aftur. Þá fann
hún, að hún var farin að eiga örðugra með að hugsa og
skyndilega var hún stödd í ókunnugu herbergi, en þar
sátu hjónin, sem áttu að hafa fund hjá henni um kvöld-
ið, á tali við þriðja manninn, sem var gestkomandi. Hún
setti vel á sig útlit'gestsins, sem var óvenjulegt, og hlust-
aði á samtal þeirra. En henni til undrunar voru hjónin
að hvetja gestinn til að koma með þeim á fundinn. Þá
bættist við í hópinn framliðinn sonur hjónanna, sem hún
hafði einu sinni áður ,,séð“ og lýst fyrir foreldrunum.
Hann sneri sér strax að frú Leonard og fór að tala við
hana um framliðna frænku sína, sem hann nefndi ,,Ger-
trud“ og frú Leonard hafði aldrei áður heyrt talað um.
Hún sá einnig frænkuna sitja við flygil, sem hún var
að leika á.