Morgunn - 01.06.1940, Blaðsíða 122
116
MORGUNN
aðar af einni eða annari jarðneskri lista-stefnu. Þær
þjóna allar vissum tilgangi; þær fylla mörg afhýsi í
kirkjum, musterum og mannlegum sálum, sem annars
stæðu auð. En veruleikur nálægðar Hans ,er aðeins gef-
inn að greina augum andans, þegar andinn hefir hreins-
azt í þjáningunni og er orðinn dýrlegur í fórn. Fylling
Hans birtist aldrei á jarðarsviðinu, og ekki á sviði anda-
tilverunnar fyrr en þar er orðin auðsæ líking Guðs í öll-
um hlutum. Hvers vegna skyldum við því, sonur minn,
spyrja hvorn annan: hvernig lítur Jesús út? Þú skalt
spyrja sjálfan þig þeirrar spurningar og vænta svarsins
að innan.
II.
Endurfæðing sálarinnar er ákaflega fagnaðarrík.
Gefðu mér gott næði, kæri vinur minn, og þá mun ég
ná betri tökum á að koma hugsunum mínum fram. Eftir
að ég er „kominn í gegn“ tekur það mig nokkurn tíma
að venjast aðstæðunum.
Oft hefi ég verið undrandi yfir þeirri ástúð, sem mér
er sýnd, og nú skil ég betur en áður hversu ófullnægj-
andi orðin eru til að lýsa rétt lífinu í andaheiminum. Að
nota táknmyndir eða líkingar er eina leiðin til þess að
aflíkamaður andi geti gert sig skiljanlegan jarðneskum
manni. Jafnvel í slíku sambandi rek ég mig stöðugt á
þann örðugleika, að sjón mín hefir gripið hluti, sem eru
alls ókunnir hinni jarðnesku sjón. Samt finn ég, að það
væri rétt að reyna að miðla vorum jarðnesku vinum ein-
hverju af sannleikanum, til þess að vekja innra með þeim
æðri eftirlanganir en þær, sem daglega búa með þeim.
Unaðsleg eru heimkynni þeirra björtu anda, sem vitja
hinna jarðnesku heimkynna yðar, og þó heimili yðar séu
fögur, þola þau engan samanburð við hin himnesku, sem
mér hefir verið leyft að heimsækja síðustu dagana.
Góði vinur, á milli okkar er andlegur skyldleiki, sem