Morgunn - 01.06.1940, Blaðsíða 82
76
M O R Ci U N N
í sambandi við þetta þótti mér á sínum tíma fróðlegt
að lesa grein, er stóð í blaðinu ,,Light“ 16. febrúar 1929.
Datt mér þá í hug að þýða hana, en hefir ekki orðið af
því fyrri en, nú fer hún hér á eftir í þýðingu.
Andi talar meðan líkaminn brennur.
Eftirfarandi bréf hefir borizt oss frá mikilsvirtum
kaupanda blaðsins, herra Frank L. Gaines frá Indiana-
polis, dags. 27. des. 1928, þar sem hann segir frá fundi
með raddamiðli, sem haldinn var í bálstofu og heyrðist
rödd, sem þekktist að var rödd látna mannsins, sem
verið var að brenna, á meðan lík hans var að verða að
ösku. Yér rituðum þegar herra Gaines og báðum um
leyfi til að birta bráfið og svaraði hann: „Yður er frjálst
að nota það á hvern hátt, sem yður sýnist. Það getur
ekkert verið því til fyrirstöðu að þér birtið þau nöfn, sem
nefnd eru, ef yður þykir það æskilegt“. Vér prentum
því bréfið hér á eftir:
,,Um leið og ég í 6. eða 7. sinn endurnýja ósk mína
að halda áfram að kaupa ,,Light“, get ég ekki látið vera
að votta yður þakklæti mitt fyrir þá ánægju, upplýsingu
og andlegan fróðleik, sem þér svo örlátlega hafið veitt
mér í blaði yðar. Ég óska, að það með vaxandi ljósmagni
megi halda áfram að lýsa og lesendur þess, bæði hér og
síðar, bera úr býtum, tilætlaðan árangur af óþreytandi
og ákveðinni viðleitni þess.
Bréf og athugasemdir, sem fyrir skömmu hafa birzt
í því um líkbrennslu hafa minnt mig á atburð, sem fyrir
tólf árum kom hér fyrir og mér þykir í því sambandi
frásöguverður. Árið 1916 var auglýsingafyrirtæki því,
sem ég starfa fyrir, falið að finna hentuga auglýsinga-
aðferð fyrir bálstofuna í Indianapolis, sem starfrækt er
af útfararstjórunum Flanner og Buchanan. í þessu skyni
gaf ég út til útbýtingar almenningi nokkra smáritlinga
til þess að breiða út hugmyndina um líkbrennslu og lýsa
yfirburðum hennar yfir greftrun. Þessir ritlingar kom-