Helgafell - 01.12.1942, Blaðsíða 80
358
HELGAFELL
Önnur einkenni eins og t. d. menntun, trúarbrögð, segir hann, að séu
ekki eins þýðingarmikil og þessi sex ofangreindu.
Það er reynsla allra, er fengizt hafa við hlutfallskannanir, að þýðingar-
lítið sé að senda bréf til þeirra manna, er spyrja skal. Hann hefur því sam-
verkamenn víðsvegar um Bandaríkin, er spyrja nágranna sína. Þetta eru
mest kennarar og stúdentar, er hafa fengið þjálfun í því að tala við almenn-
ing. Þeim er sagt, hvers konar menn þeir eigi að tala við (stofnunin spyr
aldrei um nöfn þeirra). Leiðbeiningin gæti t. d. verið orðuð á þessa leið:
„Talaðu við 24 einstaklinga, 12 karla og 12 konur, 16 úr bændastétt og 8
bæjarbúa, 3 ríka, 9 sæmilega stæða og 12 fátæka o. s. frv.
Samverkamennirnir senda svo atkvæðaseðlana til stofnunarinnar, sem
vinnur úr þeim og birtir niðurstöðurnar.
Stofnunin er algerlega hlutlaus, styður engan pólitískan flokk og ekk-
ert málefni, hve gott og heiðarlegt, sem það kynni að vera. Hún skiptir sér
ekkert af því, hvort þær skoðanir, er koma í Ijós, eru réttar eða rangar, gáfu-
legar eða heimskulegar. Hún skýrir aðeins frá áliti almennings á því máli,
sem um er spurt í hvert skipti.
* * *
Skoðanakönnun með þeim hætti, er að framan greinir, hefur ekki verið
reynd hér á landi til þessa, en vafalaust gæti slík hlutfallskönnun á almenn-
ingsálitinu borið svipaðan árangur hér sem annars staðar, ef aðferðir við hana
væru miðaðar sem skyldi við fólksfjölda, menningarstig og lífsháttu þjóðar-
innar. Nokkur undirbúningur hefur þegar verið hafinn að því að gera til-
raun í þessa átt hér á landi, áður en langt um líður. Að sjálfsögðu mun þess
gætt, að velja ,,prófmálin“ með þeim hætti, að kannaðir væru hugir almenn-
ings um efni, sem ætla má, að flestir láti sig nokkurs skipta, en liggja þó
utan við stjórnmáladeilur og dægurþras.
Torfi Ásgeirsson.