Tímarit Máls og menningar - 01.09.1998, Page 19

GRASAFERÐ AÐ LÆKNISRÁÐl
hefti. Sögurnar eru allar eftir höfunda sem búa í Berlín. Þar af eru fjórir
ættaðir að austan og hafa því kynnst lífinu í báðum heimum af eigin raun.
Sögurnar eru jafn ólíkar og höfundarnir eru margir. Þó má segja að þeir
reyni - hver með sínum hætti - að hlusta eft ir hljómfalli og hrynjandi lifsins í
borg sem stendur á heimssögulegum krossgötum.
Hvað sem öllum póltískum og sögulegum hræringum líður varðar þó
mestu að hér er á ferðinni forvitnilegur skáldskapur. Höfundarnir sýna það
stundum að þeir hafa næmt auga fyrir því smáa í hinu stóra. Þannig bregður
viðbragð manns við dálæti sonar síns á blökkukonu ljósi á vanda erlendra
innflytjenda; óvæntur endir vísar aftur á móti til þess, hve flókinn vefur
tilfmningalífið er.
Og þar með hættir skáldskapurinn að vera bundinn stað og stund. Þess í
stað verður hann - þegar best lætur - að stórum spegli, þar sem við getum öll
fundið, þó ekki væri nema agnarlítið brot af okkur sjálfum.
TMM 1998:3
www.mm.is
17