Náttúrufræðingurinn - 2010, Qupperneq 146

Náttúrufræðingurinn
146
Kristín Svavarsdóttir
Skýrsla stjórnar
Hins íslenska náttúrufræðifélags
fyrir árið 2008
Félagar
Í lok ársins 2008 voru félagar í Hinu
íslenska náttúrufræðifélagi 1.176 en
voru 1.178 í ársbyrjun. Á árinu
gengu 42 manns í félagið en 35
sögðu sig úr því, níu létust og einn
var strikaður út vegna skulda. Í árs-
lok 2008 skiptust félagsmenn sem
hér segir eftir flokkum félagsins:
átta heiðursfélagar, fimm kjörfélag-
ar, fimm ævifélagar, 915 almennir
félagar innanlands, 33 félagar og
stofnanir erlendis, 116 stofnanir
innanlands, 72 skólafélagar og 22
einstaklingar með hjónaáskrift.
Stjórn, starfsmenn og
nefndarstörf
Árið 2008 var stjórn félagsins þannig
skipuð: Kristín Svavarsdóttir for-
maður, Esther Ruth Guðmundsdóttir
varaformaður, Kristinn J. Albertsson
gjaldkeri, Hilmar J. Malmquist rit-
ari, Droplaug Ólafsdóttir, Friðgeir
Grímsson og Helgi Guðmunds-
son meðstjórnendur. Droplaug
var fulltrúi stjórnar í ritstjórn Nátt-
úrufræðingsins og Friðgeir hafði
umsjón með fræðslufundum félags-
ins. Stjórnin fundaði níu sinnum
á árinu. Skoðunarmenn reikninga
voru Kristinn Einarsson og Arnór
Þ. Sigfússon, varamaður þeirra
var Hreggviður Norðdahl. Hrefna
B. Ingólfsdóttir var útbreiðslustjóri
félagsins og ritstjóri Náttúrufræð-
ingsins. Hrefna starfaði hjá Náttúru-
fræðistofu Kópavogs en í gildi var
samstarfssamningur milli stofunnar
og félagsins um umsjón með útgáfu
Náttúrufræðingsins, dreifingu hans
og umsjón með félagatalinu.
HÍN á fulltrúa í einu ráði á vegum
umhverfisráðuneytisins, dýravernd-
arráði. HÍN er eitt þeirra félaga
sem eiga aðild að samráðsvettvangi
ráðuneytisins og umhverfisvernd-
arsamtaka. Umhverfisráðherra ósk-
ar í flestum tilfellum eftir að félög á
sviði umhverfisverndar (þátttakend-
ur á samráðsvettvanginum) komi
sér saman um einn fulltrúa í nefndir
og ráð á vegum ráðuneytisins. Hér
er yfirlit yfir helstu ráð sem HÍN
á fulltrúa í:
Dýraverndarráð. Fulltrúi HÍN
í dýraverndarráði er Margrét B.
Sigurðardóttir líffræðingur.
Stjórn Vatnajökulsþjóðgarðs. Full-
trúi umhverfisverndarsamtaka í
stjórn þjóðgarðsins til ársins 2011
er Þórunn Pétursdóttir og Ingólfur
Ásgeir Jóhannesson varamaður
hennar.
Svæðisráð norðursvæðis Vatna-
jökulsþjóðgarðs. Fulltrúi umhverfis-
verndarsamtaka í svæðisráði norður-
svæðisins til ársins 2011 er Ingólfur
Ásgeir Jóhannesson.
Svæðisráð austursvæðis Vatna-
jökulsþjóðgarðs. Fulltrúi umhverf-
isverndarsamtaka í svæðisráði
austursvæðisins til ársins 2011 er
Skarphéðinn G. Þórisson.
Svæðisráð suðursvæðis Vatna-
jökulsþjóðgarðs. Fulltrúi umhverf-
isverndarsamtaka í svæðisráði
suðursvæðisins til ársins 2011 er
Hrafnhildur Hannesdóttir.
Svæðisráð vestursvæðis Vatna-
jökulsþjóðgarðs. Fulltrúi umhverf-
isverndarsamtaka í svæðisráði
vestursvæðisins til ársins 2011 er
Ólafía Jakobsdóttir.
Aðalfundur
Aðalfundur félagsins fyrir árið
2008 var haldinn laugardaginn 28.
febrúar 2009 kl. 14 í fundarsal Nátt-
úrufræðistofu Kópavogs, í Safna-
húsinu í Kópavogi. Fundarstjóri var
kosinn Hreggviður Norðdahl og
fundarritari Hafdís Hanna Ægis-
dóttir. Formaður flutti skýrslu stjórn-
ar og gjaldkeri kynnti ársreikninga
félagsins sem voru samþykktir af
fundarmönnum án athugasemda.
Úr stjórn áttu að ganga Esther
Ruth Guðmundsdóttir, Friðgeir
Grímsson og Hilmar J. Malmquist.
Esther og Hilmar gáfu kost á sér
áfram og voru endurkjörin. Tillaga
um Ester Ýr Jónsdóttur sem eftir-
mann Friðgeirs var borin fram og
var hún samþykkt samhljóða. Arnór
Þ. Sigfússon og Kristinn Einarsson
voru endurkjörnir sem skoðunar-
menn reikninga og Hreggviður
Norðdahl varamaður þeirra.
Hilmar J. Malmquist gerði grein
fyrir fjórum ályktunum sem stjórnin
lagði fyrir aðalfundinn og voru þær
samþykktar með litlum breytingum.
1. Ályktun um Árósasamninginn:
„Aðalfundur Hins íslenska nátt-
úrufræðifélags, haldinn 28. febrú-
ar 2009 í Kópavogi, fagnar mjög
ákvörðun ríkisstjórnar Íslands að
samþykkja tillögu Kolbrúnar Hall-
dórsdóttur, umhverfisráðherra,
um að Árósasamningurinn verði
fullgiltur hér á landi. Samningur-
inn var gerður á fundi umhverfis-
ráðherra í Evrópu þann 25. júní
1998 og öðlaðist gildi í október
2001. Ísland var á meðal þeirra
þrjátíu og átta ríkja sem undirrit-
uðu samninginn strax á fyrsta degi,
en því miður hefur ekki náðst sátt
á Alþingi um fullgildingu samn-
ingsins. Í dag hefur 41 ríki auk
Evrópusambandsins fullgilt samn-
inginn, þar á meðal öll norrænu
ríkin að Íslandi undanskildu.
79 1-4#loka.indd 146 4/14/10 8:53:08 PM