Náttúrufræðingurinn - 2010, Qupperneq 148

Náttúrufræðingurinn
148
samstarfs við ráðuneyti mennta-
og umhverfismála um framtíðar-
málefni Náttúruminjasafns
Íslands.“
4. Ályktun um Gröndalshús:
„Aðalfundur Hins íslenska nátt-
úrufræðifélags, haldinn 28. febrú-
ar 2009 í Kópavogi, hvetur borg-
arstjórn Reykjavíkur eindregið til
þess að standa vörð um Gröndals-
hús og finna því nýjan stað í
Grjótaþorpinu sem hæfir menn-
ingarsögulegu gildi hússins og
ímynd Reykjavíkur sem menn-
ingarborgar. Gröndalshús og Hið
íslenska náttúrufræðifélag tengj-
ast sterkum böndum. Benedikt
Gröndal var fyrsti formaður
félagsins og í húsi hans var um
tíma fyrsti sýningarsalur á nátt-
úrugripasafni félagsins og þar
með þjóðarinnar. Varðandi fram-
tíðarhlutverk Gröndalshúss eru
hlutaðeigandi aðilar hvattir til
þess að gefa náttúrufræðilegri
sögu hússins gaum, t.d. með því
að nýta það sem fræðimanna-
íbúð eða hafa þar fundaraðstöðu
fyrir frjáls félagasamtök á sviði
náttúrufræða.“
Útgáfa
Árið 2008 kom út einn árgang-
ur Náttúrufræðingsins, hálfur 76.
árgangur (3.–4. hefti) og hálfur
77. árgangur (1.–2. hefti), alls tvö
tvöföld hefti. Samkvæmt viljayfir-
lýsingu HÍN og Náttúrufræðistofu
Kópavogs frá því í september 2006
var áætlað að 78. árgangur væri
kominn út í lok ársins 2008 og með
því lyki átaksverkefninu sem ætlað
var að vinna upp þá seinkun sem
orðið hafði á útgáfu Náttúrufræð-
ingsins. Ekki tókst að ljúka verkefn-
inu á árinu en báðir aðilar voru þó
bjartsýnir á að unnt yrði að ljúka
verkefninu innan skamms. Lengi
hefur stjórn félagsins rætt mögu-
leikann á að koma eldri árgöngum
Náttúrufræðingsins á stafrænt form
sem opnaði möguleika á að gera
eldri árganga tímaritsins aðgengi-
lega á veraldarvefnum. Á árinu
hófst undirbúningur að ljósmyndun
gamalla árganga Náttúrufræðings-
ins þannig að allt tímaritið verði til á
rafrænu formi.
Félagsbréfið kom út tvisvar sinn-
um á árinu. Fyrra Félagsbréfið, sem
var með auglýsingu um aðalfund
félagsins, var sent öllum félagsmönn-
um heim. Vetrardagskrá fræðslu-
funda félagsins var í Félagsbréfi sem
sent var rafrænt um haustið til allra
félagsmanna með netföng, en aðrir
fengu það sent heim.
Fræðslufundir
Fræðsluerindi Hins íslenska nátt-
úrufræðifélags voru haldin síðasta
mánudag hvers mánaðar yfir vetr-
armánuðina að desember undan-
skildum, kl. 17:15 í stofu 132 í Öskju,
Náttúrufræðahúsi Háskóla Íslands.
Átta erindi voru flutt á árinu. Sam-
tals mættu 463 manns á erindin, eða
58 að meðaltali á hvern fund. Esther
Ruth Guðmundsdóttir sá um skipu-
lagningu og framkvæmd fundanna
á vormisseri en Friðgeir Grímsson á
haustmisseri. Erindi ársins voru:
„Galapagoseyjar – paradís í hættu?“
Í janúar hélt dr. Hafdís Hanna Ægis-
dóttir plöntuvistfræðingur erindi
um danskan rannsóknaleiðangur
sem hún tók þátt í til Galapagoseyja.
Fundargestir voru 100.
„Setlög, lífríki og hafstraumar við
Norðurland frá ísöld til okkar daga“
Í febrúar hélt dr. Jón Eiríksson sjávar-
líffræðingur erindi um rannsóknir
sínar. Fundargestir voru 35.
„Af gæsum“
Í mars hélt dr. Arnór Þórir Sigfússon
fuglafræðingur erindi um gæsarann-
sóknir sínar. Fundargestir voru 38.
„Lax í Elliðaám“
Í apríl hélt Friðþjófur Árnason vatna-
líffræðingur erindi um rannsóknir
sínar á laxi í Elliðaám. Fundargestir
voru 28.
„Í fótspor jarðfræðingsins
dr. Walkers á Austurlandi“
Í maí hélt Hjörleifur Guttormsson
líffræðingur erindi um rannsóknir
breska jarðfræðingsins dr. George
Walker hér á landi. Fundargestir
voru 62.
„Loftslagsbreytingar og áhrif þeirra
á lífríki Íslands“
Í september héldu dr. Snorri Bald-
ursson og dr. Bjarni Diðrik Sig-
urðsson líffræðingar erindi um nið-
urstöður nýútkominnar skýrslu um
stöðu lífríkis á Íslandi í tengslum
við yfirvofandi breytingar á loftslagi.
Fundargestir voru 55.
„Jöklabreytingar og loftslag“
Í október hélt Oddur Sigurðsson
jarðfræðingur erindi um vöktun
jökla. Fundargestir voru 95.
„Verndun og varðveisla íslenskra
hraunhella“
Í nóvember hélt dr. Árni B. Stefáns-
son, augnlæknir og hellaáhugamað-
ur, erindi um hella. Fundargestir
voru 50.
Erindi Hjörleifs Guttormssonar
var haldið að frumkvæði Ómars
Bjarka Smárasonar jarðfræðings og
í samstarfi við nýstofnað Vísindaset-
ur á Breiðdalsvík, sem stofnað var í
minningu jarðfræðingsins dr. George
Walkers sem kortlagði jarðlög Aust-
urlands á árunum 1954–1965.
Um höfundinn
Kristín Svavarsdóttir (f.
1959) hefur verið formað-
ur Hins íslenska náttúru-
fræðifélags frá 2002. Hún
lauk doktorsprófi í plöntu-
vistfræði frá Lincoln-
háskóla í Nýja-Sjálandi.
Kristín er sérfræðingur í
vistfræði hjá Landgræðslu
ríkisins.
Póstfang höfundar
Kristín Svavarsdóttir
Landgræðsla ríkisins
Keldnaholti
IS-112 Reykjavík
kristin.svavarsdottir@land.is
79 1-4#loka.indd 148 4/14/10 8:53:13 PM