Skagfirðingabók - 01.01.1980, Síða 122

SKAGFIRÐINGABÓK
sínum (í handriti á HSk), að fyrstu tíu kennsluveturna hafi hann
verið ráðinn af presti og sóknarnefnd. Þá var kaupið borgað úr
landssjóði, hæst 50 kr. og þótti gott. Eftir það var hann lengst
af heimiliskennari og hafði 50 aura á dag, en fáein síðustu árin
1,50 kr. á dag.
A tímabilinu 1910-40 varð lítil hækkun á launum kennara.
Arið 1940 voru laun Gísla Gottskálkssonar 200 kr. og Rögnvalds
Jónssonar 176 krónur. Kaup kennara fór eftir því, hvað þeir
kenndu lengi. Heildarkostnaður við skólahald þetta ár var 1185
kr. Síðan stighækkar kostnaður við skólarekstur. Arið 1950 var
heildarkostnaður orðinn 36.352,24 kr. Kaup Rögnvalds var þá
775,12 kr. og Gísla 1632,40 kr. Athyglisvert er, að Rögnvaldur
fékk meira kaup fyrir skólabílinn, sem hann ók þá, eða 4.400 kr.
Árið 1960 hafa kennaralaun hækkað töluvert. Gísli fékk 3509,20
kr., en Rögnvaldur 4088,26 kr. (Sveitarbók Akrahrepps 1934-
60).
I skýrslunni kemur ekki fram, hvaða bækur voru notaðar við
kennsluna. Til gamans má geta þess, að bækur, sem notaðar voru
til kennslu um aldamótin, voru eftir skýrslu Baldvins Bergvins-
sonar um veturinn 1899-1900: Stafrófskver Eiríks Briem, Barna-
lærdómskver Helga Hálfdanarsonar, Biblíusögur Baslevs, þýddar
af Ólafi Pálssyni, Réttritunarkver eftir Valdimar Ásmundsson,
Reikningsbók eftir Morten Hansen, Náttúrufræði eftir Pál Jóns-
son, kristileg smárit og samtíningur, Dæmisögur Esóps, Réttritun
eftir Kristínu Aradóttur og Náttúrufræði eftir Bjarna Sæmunds-
son. (Ur dagbók stiftsyfirvalda, sérskjal nr. 15). Baldvin lagði
áherzlu á kristindómsfræðslu. Hann kvartaði undan lélegum að-
búnaði, „því miður vantar ýmis áhöld við kennsluna,“ segir hann
í skýrslu veturinn 1895-96.
Árið 1904-05 notaði Jónas Jónasson þessar bækur: Reiknings-
bók eftir Morten Hansen, Landafræði eftir sama höfund og
Dönskubók eftir Jón Þórarinsson. Réttritun kenndi hann með
endursögn. (Ur dagbók stiftsyfirvalda, Landshöfðingjasafn: sér-
askja nr. 16).
120