Skagfirðingabók - 01.01.1982, Síða 54
SKAGFIRÐINGABÓK
kemur einatt mikil fönn á skömmum tíma, en fljótt skefur hana
burt, ef hvessir, og eigi er hana lengi að leysa, ef hláku gjörir.
Oftast er frostlítið í logndrífu, og sjaldan stendur hún nema
stund úr degi. Mest verður snjókoma í norðanhríðum, og fylgir
þá einatt fannkomunni frost og stormar. Sjaldan er sama hríðin
lengur en sólarhring, en skammt er á milli þeirra í hörðum
vetrum, og ber það enda við, að aldrei rofar upp í 5 eða 6 dægur.
Eftir slíkar hríðar er stórfenni mikið, einkum í giljum, og annars
staðar, þar sem afdrep er. í sunnanátt fellur aldrei snjór á jörð.
Þótt yfirhöfuð megi heita snjóvasamt í sýslunni, er mjög
mikill munur á fannkomu í einu byggðarlagi og öðru. Veldur
því mest veðurstaða, og þá jafnframt afstaða sveitarinnar, eður
það, hversu fjöllum hagar þar í kring. Að vísu eru áraskipti að
því, hvernig snjó leggur, en þó hagar svo til i sumum sveitum, að
hvernig sem vetrarfar er, er þar ávallt mikið vetrarríki. Mest eru
snjóþyngsli í Stíflu og Fljótum, og líður svo margur vetur, að þar
sér varla á dökkan díl. í Gönguskörðum er og fannfergja mikil.
Aftur á móti er mjög snjólétt í Blönduhlíð. Þar er auð jörð, eða
því sem næst, mikinn part vetrar, enda er óvíða meiri veðurblíða
á Norðurlandi.
4. grein.
I þessu héraði er loftslag fremur kalt, eins og annars staðar
fyrir norðan land. Að vísu eru frost eigi mikil á vetrum, en þar eð
gaddur er einatt mikill til jarðarinnar og sólargangur stuttur, er
sjaldan hiti til muna um þann tíma árs. Á sumrum er þó að
tiltölu kaldara loftslag, enda er það eðlileg afleiðing hinna sí-
felldu vinda og vætu, að loftið verður svalt og hráslagalegt.
Einkum eru það þó vestlægir norðanvindar, er þessu valda, og er
jafnaðarlega kaldast á útnorðan. Aftur á móti eru á öllum árs-
tímum hlýindi samfara sunnanvindum, og er aldrei meiri hiti
eða veður blíðara en í landsunnanátt.
52