Skagfirðingabók - 01.01.1982, Side 65
FRIÐRIK KONUNGUR V. OG ÍSLAND
konungssjóð innkomnum tekjum eins og honum bar. Vorið
1752 lagði Rentukammerið tillögugerð fyrir konung um þetta
mál, og segir hér, að það sjáist af reikningum Hólastóls þann
tíma, sem Skúli Magnússon hafi verið umsjónarmaður stólsins,
að Pingel amtmaður hafi tekið við greiðslum, sem hafi átt að
renna í konungssjóð, en þetta fé hafi ekki komið til skila. Hér sé
um að ræða 400 ríkisdali, sem samkvæmt kvittun hafi verið
greitt til amtmanns 6. júlí 1748 og 200 ríkisdali, sem greitt hafi
verið 24. júlí 1749. Þessir peningar höfðu aldrei komizt lengra en
til amtmanns og rentukammerið telur, að áfallnir vextir nemi nú
94 rd. 21 sk. Beri amtmanni þannig að greiða samtals 694 rd. 21 sk.1 2
Rentukammerið minnist hvergi á það í tillögugerð sinni, að
amtmaður hafi unnið til þess að missa embættið. Hins vegar er
Kammerinu það áhugamál, að þessari skuld verði náð inn með
einhverjum hætti. Af launum amtmanns siðasta ár (1751) er
ekki búið að greiða nema hluta og eru 224 rd. enn ógreiddir.
Þessa upphæð vill Rentukammerið taka upp í skuldina. Til að
grynnka á því, sem eftir er, leggur Kammerið til, að Pingel verði
gefnir eftir vextirnir, 94 rd. 21 sk., og óskar jafnframt eftir því að
fá úrskurð konungs um það, hvernig sú upphæð, sem þá verði
eftir, skuli dregin af launum amtmanns.
Þessi tillögugerð Rentukammersins er undirrituð 22. apríl
1752, og hálfum mánuði síðar, 8. maí, er úrskurður konungs
gefinn út. Pingel er sviptur amtmannsembættinu og ekki heitið
neinni eftirgjöf á skuldinni né áföllnum vöxtum. Jafnframt er
Magnús Gíslason lögmaður settur í amtmannsembættið, og það
er tekið fram, að sú skipan skuli gilda, unz konungi þóknist
allranáðugast að senda amtmann til landsins.-’
1 Sbr. tillögugerð — forestilling — Rentukammersins, ds. 29. nóv. 1749. með
konungsúrskurði ds. 9. des. 1749. Norsk relations og resolutionsprotokol. Rikis-
skjalasafn Dana.
2 Sbr. Sögu íslendinga VI. bindi, 310—11. yfirlit vfir 1750—70 eftir Þorkcl
Jóhannesson. Sbr. einnig tillögugerð Rk., ds. 22. ap. 1752. ásamt kúrsk. nr. 53. ds.
8. mai 1752, í Norelores 1752. Ríkisskjalasafn Dana.
63