Skagfirðingabók - 01.01.1982, Qupperneq 72

SKAGFIRÐINGABÓK
mannsembættið.1 Niðurstaðan hefur orðið sú, að Rentu-
kammerið hefur fallizt á, að skynsamlegast væri að ganga fram-
hjá Magnúsi og taka hér tillit til sjónarmiða félagsins, en því má
heldur ekki gleyma, að hingað til höfðu amtmenn jafnan verið
erlendir og ekki íslenzkir, og Rentukammerið gerir hér ekki
annað en lýsa á óbeinan hátt yflr stuðningi sínum við, að þessari
stefnu verði fylgt áfram. En þetta strandar á konungi. Hann
skipar svo fyrir, að Magnús skuli gegna embættinu áfram sem
settur amtmaður.
Skúli virðist hafa gert sér einhverjar vonir um, að Magnús yrði
skipaður amtmaður vorið 1756, og óhætt er að ganga að því sem
vísu, að hann hafi reynt að vinna stuðning Thotts við þessa
hugmynd. Varðveitzt hefur uppkast að bréfi frá Skúla til
Magnúsar amtmanns vorið 1756, ds. 7. maí, og hér segir m. a.:
„í síðasta samtali er það satt, að ég gekk svo vítt við hr.
G. H. R.2 3 *Thott, að hann hló og sagði, mér þykir þó vænt
um, að þú gafst honum það, en mér sýnist, að ég hafi
syndgað, því hr. G. H. R. Thott byrjar á því, að ég skuli ei
móðfallast eða vera hræddur við Kommissionina5 og að
það gjöri sér illt, ef ég trúi sér ekki; og ég nefni strax Pílati
mundlaug, sem ætti að vera forgleymd í þeirri sök, hvar
um er að gjöra heillrar provinces velferð og kongsins cassa,
1 Sbr. einnig ummæli Skúla i uppkasti að bréfi til Magnúsar Gíslasonar, ds. 2. ap.
1756, en hér segir m. a.: ... „og er það merkilegt, fyrst íslands óvinir hafa gjört sér
svo stórt ómak að fá annan“ (amtmann). Bréf landfógeta 1754—60; óskráð. —
Hvernig þessi átök, hafa orkað á blæ daglegs lífs í Kaupmannahöfn má sjá í
bréfsuppkasti Skúla til Finns Jónssonar ds. 2. ap. 1756; hér segir m. a.: „Hn síðan
ég sá Monsieur Julbyes nafn undir ansögning um nýjan amtmann, þá höfum við
gengið jafnan sinn hvoru megin á götunni og það gildir einu.“ Julbye hafði verið
i þjónustu einokunarverzlunarinnar á Islandi sem kaupmaður og hefur sem slikur
kynnzt ýmsum Islendingum, þar á meðal Skúla. Julbye var einn hluthafa Hör-
mangarafélagsins.
2 Geheimeraad.
3 Þ. e. nefndina, sem skipuð var þetta vor til að fjalla um deilur Hörmangarafé-
lagsins og Islendinga.
70