Skagfirðingabók - 01.01.1982, Side 107

MINNING AFA MÍNS
við kollótt prik. Sá hann þá laxatorfu í hyl einum og sló hann
með priki sínu í torfuna. Lágu 18 laxar dauðir eftir höggið."
I bréfi til biskups frá sr. Gísla, dags. 6. júlí 1860 sést, að hann
hefur verið að athuga möguleika á að leigja Laxá Englendingi,
sem hafði hér ár á leigu. Með því hefði eflaust mátt hafa meira
upp úr ánni. Ekki er nú vitað hvað af þessum ráðagerðum leiddi.
Hitt er víst, að mikil og góð búdrýgindi hefur veiðin verið fyrir
Reynivallaheimilið, þótt ekki væru þá komnar til sögunnar þær
stórtekjur sem stangaveiðirnar gefa nú á dögum.
Kirkjnbygging á Reynivöllum
Hrörleg torfkirkja var á Reynivöllum, er sr. Gísli kom þangaö.
Það var þó ekki fyrr en 6 árum síðar, að hann hófst handa um
endurbyggingu hennar. Skyldi það verða timburkirkja. Var
efnisaðdrætti lokið að mestu vorið 1859, en þá vantaði úrskurð
eða leyfi prófasts — sr. Arna Helgasonar — og annarra kirkju-
legra yfirvalda um hvar kirkjan ætti að standa. — Ekki kom til
mála, að hún væri endurreist á sama stað, því að enn lifði í sögn
og sjón sagan um voðanóttina 15. janúar 1699, þegar Reynivalla-
staður eyddist af snjóflóði. — (Sjá Fitjaannál bls. 334). Nei, ekki
þótti rétt að endurreisa kirkjuna á grunni hinnar gömlu. Jafnvel
ætti að flytja hana að Vindási, stingur prestur upp á. En því tóku
sóknarmenn fjarri. Sjö manna nefnd var sett í málið, sem lagði til
„að kirkjan yrði færð um set og reist þar sem gamlar, grasi grónar
tóptir standa á dálítið upphækkuðum stað eður litlu hólbarði
spölkorn fyrir austan kirkjugarðinn.“ Þetta nær samþykki og er
undirskrifað af 27 sóknarmönnum á Reynivöllum 27. júní 1859-
Prestur felur síðan málið prófasti til þóknanlegrar úrlausnar.
Prófastur gefur málinu meðmæli sín til biskups 21. júní 1859.
Biskup veitir sitt samþykki, og þar með er lóðarmál hinnar nýju
Reynivallakirkju komið endanlega í höfn — og mál að hefjast
105