Skagfirðingabók - 01.01.1982, Síða 110

SKAGFIRÐINGABÓK
Reikningurinn er endurskoðaður og áritaður af yfirsmiðnum,
Einari Jónssyni. — Sjálfur tók sr. Gisli 10 rd. fyrir umsjón og
umsýslu við kirkjusmíðina. Reikninginn ásamt fylgiskjölum
sendi hann til prófasts, sr. Olafs Pálssonar dómkirkjuprests.
Segist prófastur hafa litið við reikninginn að athuga, en vegna
„tólgarreikningsins“ vill hann þó taka fram „að kirkjan var að
innanverðu öll smíðuð seint um haust, þar yfirsmiður ekki
fékkst til þess á öðrum tíma. Af þessu mun komið útgjald það,
sem tilfært er til ljósa við kirkjusmíðið.“ Um ómakslaun sókn-
arprests, segir prófastur, að hér sé „um stórt og vel af hendi leyst
fyrirtæki að gjöra, sem kostaði beneficiarium (staðarhaldara)
fleiri en eina ferð til kaupstaðarins til timburkaupa“. Og eftir
verðlagi á efni og vinnu telur prófastur „reikninginn sann-
gjarnan".
Ekki verður annað sagt, en sr. Gísli hafi gengið vel og sköru-
lega að þessari kirkjubyggingu. Má hún með sanni kallast tíma-
mótaverk i sögu Reynivallastaðar, rúmgott og reisulegt timb-
urhús i stað hrörlegrar torfkirkju, enda segir sr. Gísli í bréfi til
biskups 6. júlí 1860, að „hann láti sér mikið annt um þetta
herrans hús, en kraftana vantar til að skilja við það eins og ég
vildi“. Samt lagði hann fram umtalsvert fé úr eigin vasa eða
útvegaði á annan hátt — alls 174 rd. 94 sk., eins og segir í
kirkjureikningnum. Var sú skuld komin niður í 30 rd. er hann
féll frá. Loks er þess að geta, að í umsögn prófasts, sr. Olafs
Pálssonar, segir að eftirmaður sr. Gísla hafi tekið við „kirkju í
mjög góðu standi og prestssetri i góðu standi“.
Enn býr Reynivallasöfnuður að þessari kirkjusmíð Gísla Jó-
hannessonar. A aldarafmæli kirkjunnar var hún endurbætt og
stækkuð nokkuð og vígð af biskupi 13. september 1959.
„Þér getið verið stétt yðar til sóma{'
í blaðinu Þjóðólfi þann 19. apríl 1865 birtist smáklausa undir-
rituð „Nokkrir Reykvíkingar“. Þar hvetja höfundar stiftsyfir-
108