Skagfirðingabók - 01.01.1982, Blaðsíða 131
SÍÐASTI FÖRUMAÐUR I SKAGAFIRÐI
að mér vitanlega hefir enginn þar síðan haldið uppi förumanns-
lífi, en það gerði hann að minnsta kosti um aldarfjórðungs skeið.
Grein þessi verður engan veginn eins nákvæm og ítarleg og ég
hefði viljað, sérstaklega vantar mig upplýsingar um fyrri æviár
hans. Mér datt ekki í hug að fara að safna drögum að æviferli
hans fyrr en það seint, að allir eldri menn, sem þekktu hann þá,
voru horfnir. Þessi frásögn verður því í molum. Það sem ég
styðst helzt við í frásögn minni eru ýmsar skrifaðar samtíma
heimildir, svo sem kirkjubækur, sálnaregistur og manntöl, svo
og eigin kynni af honum á efri árum og frásagnir nokkurra
annarra, sem þekktu hann þá, og minningargrein um hann í
blaðinu Islendingi 19- febrúar 1947, eftir Hartmann Ásgrímsson,
fyrrverandi kaupmann í Kolkuósi. Þó er sú grein i sumum
efnum ekki ábyggileg og kem ég að því síðar.
Foreldrar Sveins voru Sveinn Halldórsson frá Tungu í Stíflu í
Fljótum og seinni kona hans Rannveig Jónsdóttir frá Hróarsdal 1
Hegranesi. Sveinn Halldórsson fæddist í Tungu 27. febrúar
1824. Foreldrar hans voru Halldór Jónsson prests á Barði Jóns-
sonar. Halldór var giftur bóndi í Tungu, en móðir Sveins var
vinnukona hans og hét Ragnheiður Þorvaldsdóttir. Sveinn
Halldórsson kvæntist fyrst Rósu Guðmundsdóttur. Bjuggu þau
á Stóra-Grindli i Fljótum 1849—1853. Þaðan flytjast þau að Ríp
í Hegranesi og eru þar árið. Frá Ríp flytjast þau síðan að Kára-
stöðum í sömu sveit, og þar er Sveinn í tvö ár. Á Kárastöðum
deyr Rósa kona hans 2. mai 1885. Þá fær Sveinn Rannveigu
Jónsdóttur frá Hróarsdal sem ráðskonu. Hún varð seinni kona
hans, sem fyrr segir. Rannveig var alsystir Jónasar Jónssonar, sem
bjó allan sinn búskap í Hróarsdal og er alþekktur í Skagafirði og
víðar sem fræðimaður, hagyrðingur og þúsundþjalasmiður.
Rannveig var einnig hagmælt. Þau Sveinn og Rannveig flytjast
frá Kárastöðum að Veðramóti i Gönguskörðum 1856 og búa þar
í tvö ár. Þaðan flytjast þau að Mosfelli í sömu sveit, sem komið er
í eyði fyrir löngu. Þar búa þau í sex ár.
9
129