Skagfirðingabók - 01.01.1982, Page 195

ANNÁLL ÚR SKAGAFIRÐI
Guðjón bóndi Þorsteinsson og ætlaði að fylgja honum fram á
svonefndar Skatastaðamýrar. Er þeir komu að Skatastaðahross-
unum, fór Guðjón að víkja þeim frá, en Tómas hélt áfram með
sitt stóð fram með Jökulsánni, sem rennur þar fram með klettum
að vestanverðu. En er kemur fram fyrir svonefndan Nýjabæjar-
hól (sem er á móti eyðibýlinu Nýjabæ að austan) er höfði, og
liggur gatan sniðhallt suðaustur í klettana; er það fjárgata. Er nú
helzt að sjá, sem Tómas hafi riðið á hlið við hrossin suður
höfðann og ætlað að bægja þeim frá fjárgötunni, sem er ófær
hrossum, en þar er brött melbrekka, og á einum stað ofurlítið
drag með lausum jarðvegi. Fór hestur hans þar ofan í og valt
undan brekkunni. Er hann losnaði, eru ca. 6 metrar frá því, er
hann fór ofan í og fram á klettabrúnina. Mundi Tómas sjálfur
eftir því, að hann losnaði ekki við hestinn, og að hann hafi farið
veltur yfir hann í brekkunni. Gjörðin í hnakknum mun hafa
slitnað og maður og hestur hrapað fram af 10 metra háum kletti
ofan í síki, sem þar er undir. Sýndi vasaúr Tómasar (sem þá hafði
blotnað og stanzað), að klukkan var þá 10Yi um kvöldið. Leið
nú stutt stund, þar til Guðjón kom. Hafði hann ekki verið
sjónarvottur að slysinu, því leiti bar á milli. Var þá hesturinn
kominn upp úr síkinu og stóð á eyrinni. Lét Guðjón Tómas á
bak sínum hesti og teymdi undir honum að Skatastöðum, sem er
um 11 km leið. Var Tómas allur rennvotur og leið hræðilegar kval-
ir á leiðinni. Hestur Tómasar komst þessa sömu nótt út undir
Bústaði, fulla 20 km. Þar fannst hann dauður um morguninn.
Höfðu innýflin sprungið á þrem stöðum, en ekki var hann
neitt brotinn. A Skatastöðum var Tómas háttaður niður í hlýtt
rúm, og sló þá strax á skjálftann. Gat hann ögn sofið þá nótt.
Morguninn eftir kom svo læknirinn, og sagði hann aðra síðuna
brotna frá hryggnum og hefði rifbrot stungizt í gegnum annað
lungað. Var Tómas með fullu ráði þann dag, en eftir það mátti
heita hann svæfi, unz hann andaðist í svefni kl. 8 árdegis 18.
júlí. Tómas var hinn mætasti maður. Gegndi hann ýmsum
opinberum stöðum fyrir sveitarfélag sitt og fórst það jafnan
193
13