Skírnir - 01.04.2001, Síða 139
SKÍRNIR
TIL VARNAR MANNÚÐ OG JAFNRÉTTI
133
orðið sekur um goðgá og enginn vildi koma nærri“ (94). Hún lýk-
ur reiðilestrinum með því að segja hneyksluð að annað eins gæti
einungis gerst í Winnipeg.
Annað skáld sem birti bæði frumsamin og þýdd ljóð í Freyju
var Sigurður Júlíus Jóhannesson. Sum ljóða hans lýsa hughrifum
sem sprottin eru af umhverfinu vestra, einnig eru uppörvandi
stökur til Freyju (IV:3 [1901], IV:5-6 [1901], VI:6-7 [1904], IX:5
[1906]) og nokkur, eins og t. d. „Minni kvenna“ (XI: 1 [1908]), sem
var flutt á Islendingadaginn 3. ágúst 1903, fjalla um kvenréttinda-
baráttuna sem hann studdi eindregið. I bréfi til Freyju (XI:8
[1909]) skrifar hann: „Eg fylgi nákvæmlega sömu stefnu og hún
berst fyrir. [...] Jafnrétti kvenna og fullkomin mannréttindi eins
og Freyja berst fyrir er það göfugasta í blaðamennsku sem ég
þekki“ (192).23 Jóhann Magnús Bjarnason lýsir svipuðum skoð-
unum í sama tölublaði Freyjw. „Það er mín hjartans sannfæring, að
kvennfólk eigi að hafa sömu réttindi og karlmenn. Ég hefi alt af
haft þá skoðun, að íslenzkt kvennfólk, yfir höfuð, stæði íslenzk-
um karlmönnum framar í flestu, sem snertir hið fagra og góða.“
Hann segir einnig að „þegar hún [Freyja] kemur, er hún jafnan
fyrsta blaðið, sem lesið er í þessu húsi. Hver einasta kona ætti að
kaupa ‘Freyju’“ (192). Þó að Sigurður Júlíus Jóhannesson og Jó-
hann Magnús Bjarnason, auk Þórðar Kr. Kristjánssonar („Til
Freyju" VI: 10 [1904]) og Sigurgeirs Einarssonar („Til Freyju"
VIII:6 [1906]), væru tilbúnir að opinbera stuðning sinn við Freyju
og kvenréttindahreyfinguna þá kusu flest skáldin, eins og t.d.
Stephan G. Stephansson, að styðja blaðið óbeint með því að senda
því verk sín til birtingar. í þessum hópi voru á meðal annarra Jón
Kjærnested, Hjörtur Leó, Þorsteinn Þ. Þorsteinsson, Kristinn
Stefánsson, Guðmundur Guðmundsson og síðast en ekki síst Sig-
fús sem einnig birti mörg ljóð undir dulnefnum. Efni þessara ljóða
er mjög mismunandi þótt býsna mörg séu mörkuð af föðurlands-
ást; þau eru oft titluð „Minni Islands,“ „Island,“ „Minni Vestur-
Islendinga,“ „Vestur-Islendingar“ eða „Canada" og virðast hafa
23 Sjá einnig grein hans „Fyrir örfáum árum eða meirihluta sýki“ í Freyju XI:6
(1909).