Skírnir - 01.04.2001, Page 201
GREINAR UM BÆKUR
LÁRA MAGNÚSARDÓTTIR
Kristni á miðöldum
Hjalti Hugason (ritstjóri)
Kristni á Islandi
Reykjavík: Alþingi, 2000
Bindi I: Frumkristni og upphaf kirkju
Aðalhöfundur: Hjalti Hugason; aðrir höfundar: Ásdís Egilsdóttir, Guðbjörg
Kristjánsdóttir, Gunnar Kristjánsson, Inga Huld Hákonardóttir og Njáll Sig-
urðsson
Bindi II: Islenskt samfélag og Rómakirkja
Aðalhöfundur: Gunnar E Guðmundsson; aðrir höfundar: Ásdís Egilsdóttir,
Guðbjörg Kristjánsdóttir og Inga Huld Hákonardóttir
Þau tíðindi hafa gerst á Islandi að litið hefur dagsins ljós saga kristni
hér á landi í fjórum bindum. Finnur Jónsson biskup skrifaði kirkjusögu
Iandsins á síðari hluta 18. aldar og Pétur Pétursson jók við hana tæpri
öld síðar. Báðir skrifuðu á latínu. Hvorugt ritið hefur því verið aðgengi-
Iegt fram að þessu, enda tjóar ekki að neita því að latínukunnátta íslend-
inga hefur verið bágborin um hríð. En nú er von á bót, því að bók Finns
mun vera í þýðingu. Jón Helgason biskup skrifaði kirkjusögu á fyrri
hluta 20. aldar og er sú bók úrelt þótt sannarlega sé hún nauðsynlegur
Iestur hverjum þeim sem hefur áhuga á kristnisögu íslands. Að þessu
slepptu hafa engin heildarverk verið gefin út um efnið. Jón Jóhannesson
tók saman sögu íslenskrar kirkju 1958, Magnús Stefánsson skrifaði um
kirkjusögu í hátíðarútgáfu Sögu Islands. Að frátöldum þeim sem eiga
þátt í Kristni á íslandi hafa Guðrún Ása Grímsdóttir, Sigurður Líndal,
Gunnar Karlsson og Sverrir Jakobsson einnig skrifað um kirkjumál
miðalda og Magnús Magnússon ritaði BA-ritgerð um kristinrétt Árna
Þorlákssonar, að ónefndum Vilborgu Auði Isleifsdóttur, Sveinbirni
Rafnssyni og Orra Vésteinssyni. Fleiri hafa látið til sín taka á þessu sviði
og ekki síst Magnús Már Lárusson. Hann ritaði margar greinar í Kultur-
historisk leksikon, sem hefur lengi þjónað sem helsta uppflettirit Norð-
urlandabúa um ýmislegt og einkum það sem við kemur kristnum mið-
aldafræðum. Má segja að einhvers konar upplýsingargrundvöllur að
Kristni á Islandi liggi þar.
Um útgáfu Kristni á Islandi skal þegar í upphafi tekið undir orð Gunn-
ars Karlssonar um að afrek sé það í sjálfu sér að bækurnar skyldu koma út
og það á mjög viðeigandi tíma, nefnilega á 1000 ára afmæli kristni í land-
Skírnir, 175. ár (vor 2001)