Tímarit Máls og menningar - 01.12.2013, Qupperneq 96

Ó m a r Va l d i m a r s s o n
96 TMM 2013 · 4
um stórmennsku Kim-feðga, hugmyndafræði þeirra og yfirburði kóresku
þjóðarinnar. Þar er því til dæmis haldið fram að Kóreumenn hafi orðið
fyrstir Asíubúa til að verða eiginleg þjóð sem sé forsenda siðmenningar.
Þótt Choson-keisaraveldið hafi deilt Kóreuskaganum með ýmsum smærri
konungdæmum hafi Kóreumenn ævinlega verið sér á báti: ein þjóð með
sama blóð, tungu, menningu og háleitt siðferði (land, þjóð og tunga …).
Martin rekur þessa niðurstöðu helgitextans:
Allt frá upphafi mátti þekkja Kóreumenn af dyggðum þeirra og réttlæti. Siðir þeirra
voru allir til fyrirmyndar svo að það varð þekkt sem „land siðprýðinnar í austri“.
Ekki síðri voru klæði þeirra, hvít eins og snævi þaktir tindar Paektu-fjalls. Hjarta-
hreinir og vel skapaðir bjuggu þeir í samlyndi í þorpum sínum og báru virðingu
fyrir fólki sér æðra og kærleik til þeirra sem voru þeim lægri.
Helgimyndir
Samkvæmt „textanum“ var Kim Il-sung holdgervingur alls þess besta sem
prýða mátti góðan Kóreumann – og raunar margfalt það. Um hann er sagt
í einni ævisögunni:
Allt frá unga aldri bjó félagi Kim Il-sung yfir mikilli athyglisgáfu, fágætum hæfi-
leikum til að skilgreina hluti og hugmyndir og einstakri glöggskyggni gagnvart
bæði hlutum og fyrirbærum. Honum var létt að fást við skapandi hugsun og gat
gaumgæft hvert vandamál á nýjan hátt … einstök menntun hans í foreldrahúsum og
umhyggjan sem óvenjulegt eðli hans naut þar var slíkt að hann gat sjálfur þróað með
sér nauðsynlega skarpskyggni og hæfni byltingarleiðtoga framtíðarinnar.
Ekki hefur sonurinn, hinn nýlega brottkvaddi Kim Jong-il, farið varhluta
af þessari blessun því í einni ævisögu hans sem flokkurinn/ríkisvaldið
gefur út er ítarlega greint frá því að allt frá barnæsku hafi félagi Kom Jong-
il verið „einstaklega snjall og vitur“ og notið þeirrar einstöku menntunar
sem foreldrar hans hafi veitt honum af visku sinni og snilli – nánast orðrétt
endurtekning á ofangreindri lýsingu á föður hans. Og ekki nóg með það:
þegar hann fæddist birtist þrefaldur regnbogi yfir hinu helga fjalli Paektu og
trönurnar sungu honum til dýrðar. Í „textanum“ er þess ekki getið að í raun
fæddist Kim Jong-il í herbúðum í Rússlandi þar sem Kim eldri var í sovéska
hernum að berjast við Japani. Þessari helgimynd af Kim-feðgunum er við-
haldið í öllu daglegu lífi.
Í lok heimildamyndar Pieters Fleury hefur fjölskyldan aftur snúið
heim í íbúðina þar sem afinn segir stríðssögur, íklæddur jakkafötum með
fjölmörgum heiðursmerkjum á báðum jakkaboðungum. Þegar hann gekk í
herinn í föðurlandsstríðinu mikla (þ.e. Kóreustríðinu) og var sendur á víg-
stöðvarnar segir hann, „skaut ég á Ameríkanana. Ég andaði eldi! Þú getur
rétt ímyndað þér hversu mjög mig þyrsti í að hefna fyrir árás þeirra á skólann