Tímarit Máls og menningar - 01.09.2014, Side 77

F j ö g u r l j ó ð
TMM 2014 · 3 77
MARGFALDLEIKI
Á hverjum morgni, rétt upp úr klukkan sex vaknar hann.
Alltaf einhverntíma á bilinu sex núll sex og sex þrettán og
svoleiðis hefur það verið alveg frá því hann hóf skrásetn-
inguna. Fyrsta verkið er auðvitað að líta á klukkuna og í raun
er alveg spurning hvort hann sé ennþá sofandi þegar hann
lítur á klukkuna og vakni þegar hann opnar augun. Hann
veit það ekki, enda er hann svo sem ekki mikið að spá í það.
En hann lítur sem sé á klukkuna, sest fram á rúmstokkinn og
tekur kompuna af náttborðinu og skráir tímasetninguna. Svo
lokar hann augunum aftur um stund og situr í augnablik eins
og hann sé að jafna sig á nýjum aðstæðum eða að reyna að ná
í skottið á draumi. Svo ræskir hann sig og biður guð að blessa
sig og Sigríði sem enn liggur sofandi hinum megin í rúminu.
Oft veltir hann fyrir sér hvort annað þeirra muni deyja í dag
án þess að komast að eiginlegri niðurstöðu. En það er alltaf
von. Því næst lullar hann fram í eldhús fær sér lýsi og tekur
svo margföldunartöfluna sína.