Tímarit Máls og menningar - 01.12.2017, Side 12

K r i s t í n Ó m a r s d ó t t i r
12 TMM 2017 · 4
Manstu eftir bókavörðum af bókasöfnunum sem þú sóttir þegar þú varst
lítil?
Ég veit ekki hvort ég gæti borið kennsl á hana í lænöppi en það er mögu-
leiki – jú mig rámar alveg í hana – hún vann á barnadeildinni í Gerðubergi og
hafði litað hár kastaníurautt. Hún var létt í bragði en ekkert uppáþrengjandi.
Manstu eftir fyrstu bíómyndinni sem þú sást? Fórstu oft í bíó?
Pabbi var duglegur að fara með mig í bíó og ég man eftir að hafa farið að
sjá Ronju ræningjadóttur – það var rosaleg upplifun – og að sjá A Fish Called
Wanda – en ég var aðeins of lítil til að sjá hana – ég var voða hrifin.
Hvort fannst þér skemmtilegra: bók eða bíó?
Það er spurning um aðgengismál. Hefði ég haft sama aðgengi að kvik-
myndum og ég hafði að bókum hefði ég kannski bara horft á myndir afþví
það er einfaldara en ekki jafn krefjandi og gefandi, en ég veit það samt ekki.
Ég er yfirleitt hrifnust af bókum.
Lærðirðu á hljóðfæri þegar þú varst lítil? Fannst þér og finnst þér gaman
að syngja?
Ég byrjaði mjög oft á allskyns námskeiðum en hætti eiginlega alltaf áður en
þau kláruðust. Mig rámar í blokkflautukennslu og að hafa fundist það alveg
ótækt nám og þreytandi að hlusta á hóp af börnum blása í flautu af kunnáttu-
leysi. En mér finnst gaman að syngja og ég geri mikið af því.
***
Hvert er uppáhaldsorðið þitt?
Núna í þessum garði er uppáhaldsorðið mitt mold.
Hvaða orð er ekki í uppáhaldi – núna – alltaf?
Mér finnst orðið að njóta erfitt. Njóttu! Hljómar einsog: hnjóttu. Hnjóttu
um nautn. Annars hef ég litlar tilfinningar til orða. En ég fer samt alltaf að
gráta smá þegar ég heyri orðið fjölla og ef einhver segir trauðla þá roðna ég.
Hvað gerir þig glaða?
Innihaldsríkar samræður við vini mína, sjá sýningu sem kveikir á löngun
manns til að teikna, lesa bók og langa til að skrifa, hlusta á tónlist og dansa.
Hvað gerir þig dapra?
Það gerir mig dapra að hugsa og lesa um umhverfismál. Það gerir mig dapra
að hugsa um dauðann en það gerir mig ekki dapra að lesa um dauðann …