Tímarit Máls og menningar - 01.12.2017, Side 16

K r i s t í n Ó m a r s d ó t t i r
16 TMM 2017 · 4
Áttu ástvin?
Meinarðu kærasta? Nei.
Áttu börn, hvað heita þau og viltu segja mér hvernig þau hafa mótað líf þitt
og haft áhrif á þig?
Já, ég á son sem heitir Kolbjörn Ingason og hann er átján mánaða, svo
ungur að erfitt er að segja hvernig hann hafi mótað mig – mótunin gerist
núna. Mm, en ég er skipulagðari en ég var og mér þykir rosalega gott að
skrifa með hann, nota tímann þegar hann er sofandi eða hjá dagmömmu og
pabba sínum. Og þegar við erum saman þá er það góð æfing í því að vera á
staðnum – til staðar. Vinkona mín sagði mér eitt sinn að maður yrði galin af
því að reyna að gera eitthvað annað með börnunum – svara pósti, lesa, teikna
– þá myndist togstreituástand sem sé ansi þreytandi; maður verði að dvelja
hundrað prósent á staðnum og fyrir manneskju sem er dálítið á flótta – og
ég held það sé ekki einstakt, ég held við séum mörg dálítið á flótta úr augna-
blikinu – þá er það annaðhvort ofsaleg blessun eða mikið böl að vera með lítið
barn. Sá dans finnst mér mjög – já – örugglega – mótandi á jákvæðan hátt.
Hvort þykir þér skemmtilegra / betra að elska eða vera elskuð eða hvort
tveggja?
Mér finnst skemmtilegast og best að vera ást.
***
Viltu segja mér frá skólagöngunni?
Já, já, ég hætti í grunnskóla, hætti að mæta þegar ég var í tíunda bekk, mér
gekk svo illa í stærðfræði, ég tók samt samræmdu prófin… ég nenni ekki
smáatriðum: ég hætti semsagt í grunnskóla, í menntaskóla, fór í Listahá-
skólann og lauk BA-gráðu, fór í masternám til Kanada en ég hætti því líka.
Ég er óhrædd við að hætta þegar mér líkar ekki og það er mikill kostur.
Þú lætur ekki pína þig, það er til fyrirmyndar Hefurðu sótt nám í skapandi
skrifum?
Ég hef ekki farið á námskeið í skapandi skrifum en mig hefur oft langað.
Þegar ég var unglingur og bjó hjá mömmu í Hlíðunum var samt stundum
eins og ég væri á námskeiði í ljóðagerð. Ég sýndi henni allt sem ég skrifaði og
hún setti sig inn í það sem ég var að gera og tók því alvarlega. Mamma var
mjög víðlesin en líka mikil innsæiskona og módernisti. Hún kenndi mér að
forðast klisjur og væmni.
Mm, einn heimsins besti rithöfundaskóli. Hvernig áhrif hafa aðrar list-
greinar á ritstörf þín?
Myndlist hefur áhrif, en ég veit samt ekki hvernig ég á að lýsa því. Það