Tímarit Máls og menningar - 01.12.2017, Qupperneq 17

H n e f i b e i t i r h e i ð a r l e g r a o f b e l d i
TMM 2017 · 4 17
eru vissir þættir í ritstörfum sem eru tengdari myndlist en aðrir og ég held
að þessir þættir séu kannski ráðandi hjá mér. Ég hugsa sögur svolítið eins
og myndflöt frekar en línulega og er upptekin af áferð og stemningu, litum.
Eins og ég segi þá er frekar erfitt að koma orðum að þessu. Ég held samt að
þú vitir alveg hvað ég meina.
Já. Sækir þú jafnt áhrif í útlenskar bókmenntir og íslenskar?
Því miður les ég meira af útlenskum bókum, mikið skandínavískar bók-
menntir uppá síðkastið – hef legið í norskum og sænskum bókmenntum.
Gerir þú greinarmun á amerískum, evrópskum, asískum, afríkönskum
bókmenntum?
Það eru lönd í bókum, borgir og tímabil og atburðir, styrjaldir og áhrif
atburða og styrjalda og styrjaldaleysis og mataræðis og náttúru eða náttúru-
leysis. Svo er mannleg náttúra sem er svo flókin og svo fjölbreytt að þar er
hægt að týnast alveg, missa sjónar á staðbundnum kennileitum.
Mjög gott.
***
Hvað metur þú mest í fari annarra?
Tilfinningagreind.
Hvað metur þú minnst í fari annarra?
Ómerkilegheit eða smámunasemi eða nísku … Þetta er allt sami lösturinn.
Hvað metur þú mest í eigin fari?
Sköpunargleðina.
Hvað metur þú minnst í eigin fari?
Vonleysið.
En hvað finnst þér skemmtilegast að gera?
Ég veit það ekki – var ekki sama spurningin áðan.
Hún er aðeins öðruvísi.
Mér finnst það sama og ég sagði áðan.
Hver er hugmynd þín um (fullkomna) hamingju?
Hugmynd mín um hamingju er að geta unað við tryggð og lygnan sjó – að
geta unað – og unað sér – líka þegar manni líður illa.