Tímarit Máls og menningar - 01.12.2017, Page 127

„Vi ð v i l d u m b y l t i n g u “
TMM 2017 · 4 127
S.: Hvað er hægt að nefna fyrir utan feril og örlög einstakra manna?
Cohn-Bendit: Til dæmis kvennabaráttuna og baráttu samkynhneigðra.
Baráttuna um sjálfstæði einstaklingsins og frelsisbaráttuna sem hófst um
1968. Ég tók 1968 persónulega sem hreyfingu sem reis upp gegn allri vald-
beitingu og var um leið andþjóðernisleg. Þessar hugmyndir get ég auðveld-
lega tengt við vinnu mína fyrir Græningjana á Evrópuþinginu og við hug-
myndina um Evrópusamvinnu almennt.
S.: Þú hefur sjálfur verið heppinn?
Cohn-Bendit: Mín kynslóð þekkti ekkert til umhverfisvandans, né til
eyðni eða atvinnuleysis. Við vorum alls óhrædd. Við ætluðum sjálf að móta
framtíð okkar. Nú vill ungdómurinn hreinlega bara eiga sér framtíð yfirleitt,
einhvers konar framtíð.
S.: Hefurðu samúð með æskufólki nútímans?
Cohn-Bendit: Heimurinn er orðinn mun flóknari nú en áður. Unga fólkið
getur ekki lengur einfaldlega trúað á eitthvað ákveðið. Líf unga fólksins er
mun erfiðara en líf okkar var.
S.: Herra Cohn-Bendit, við þökkum þér fyrir þessar samræður.2
Tilvísanir
1 Viðtalið er tekið úr DER SPIEGEL Geschichte, ágústhefti 2016, bls. 14–19.
2 Þetta viðtal tóku SPIEGEL-ritstjórarnir Joacim Mohr og Michael Sontheimer.