Úrval - 01.12.1954, Blaðsíða 78

76
ÚRVAL
suma mestu höfundana, vegna
þess að þeir eru gæddir óvenju-
lega miklum túlkunarmætti og
reyna allir að miðla okkur af
reynslu, sem var þeim mikils
virði: Þeir reyna að láta okkur
sjá og skynja heiminn eins og
þeir skynjuðu hann. Um leið og
ég hverf inn í lesendahóp þeirra,
binzt ég nánum böndum gagn-
kvæmra áhugamála, sem óhugs-
anleg eru annars staðar. Kær-
ustu vinir mínir eru ekki alltaf
heima eða óbundnir, þegar ég
þarfnast þeirra mest. En bók
og höfundur hennar er ávallt
við höndina. Ég get verið sæll
og hrifinn í þeirra félagsskap,
hvar sem er í heiminum. Satt
að segja er sá félagsskapur þess
eðlis, að það getur orðið eftir-
sóknarvert að vera einsamall.
Mér flýgur í hug kona nokkur,
sem yfirgaf bridgesamkvæmi og
hélt heim í einveru herbergis
síns, af því að hana langaði að
hlusta á framhaldssögu íútvarpi
eftir Trollope sinn. Hún talaði
um þetta stefnumót eins og eitt-
hvað, sem ómögulegt var að
fresta. Ennþá minnist ég mót-
bárna hinna bridge-spilaranna,
— sem sennilega voru ekki
í lesendahópi Trollojpes — og
afsakana hennar. Eg minnist
líka hinna glöðu eftirvæntingar
hennar. Hún hélt til fundar við
Trollope sinn eins og á fund
elskhuga.
E. H. þýddi.
0-0-0
Sátt og samlynili.
Bóndi nokkur og kona hans óku til bæjarins að morgni dags.
Leiðin lá framhjá stöðuvatni, og konan, sem mun hafa fundið
til þess, að samlyndi þeirra hjónanna væri ekki alltaf eins og
bezt væri á kosið, sagði: „Sjáðu, pabbi, gæsahjónin sem synda
þama hlið við hlið í sátt og samlyndi. Væri ekki dásamlegt,
ef fólk gæti alltaf verið svona til friðs?"
Bóndi leit á gæsahjónin, en anzaði konu sinni engu.
Rétt fyrir sólsetur sama dag voru hjónin á heimleið fram-
hjá vatninu. Á gullskyggðum vatnsfletinum mátti sjá gæsa-
hjón syndandi hlið við hlið.
„Pabbi, sagði hún, „sjáðu gæsahjónin, þau synda þarna enn
í sátt og samlyndi. Væri ekki dásamlegt, ef fólk gæti lifað
þannig ?“
Bóndi þagði við stundarkorn, en sagði svo: „Ef þú gáir betur,
góða mín, þá muntu sjá, að steggurinn er ekki sá sami og í
morgun."
— Times-News.