Úrval - 01.12.1954, Blaðsíða 104
102
ÚRVAL
steinunum á borðið, rótaði í
þeim og leitaði að einhverjum
sérstökum. Hann valdi síðan úr
stein (þrjátíu dollara mána-
steininn) sem glampaði eins og
dýrasti demantur. Þennan rétti
hann þjóninum og tautaði eitt-
hvað og þjónninn gekk aftur að
hljómsveitarpallinum og færði
Jerry Wald steininn að gjöf.
Varð nú mikill þytur í salnum
af hvískri rnargra manna — all-
ir höfðu séð með eigin augum
það sem fram fór.
Að síðustu ákvað krónprins-
inn að kominn væri burtfarar-
tími. Hann klappaði saman lóf-
unum. Annar þjónanna hag-
ræddi á honum skikkjunni.
Hann reis á fætur ásamt fylgd-
armanni sínum. Dansgólfið var
autt svo að hið konunglega föru-
neyti snaraðist fram eftir því
í áttina til dyranna. Allra augu
hvíldu á þeim. Skyndilega
heyrðist glamur — geitar-
skinnspungurinn hafði opnast
og gimsteinarnir hrundu út yf-
ir dansgólfið. Hið konunglega
föruneyti staðnæmdist og þjón-
arnir ætluðu að fara að beygja
sig niður eftir steinunum. En
hans konunglega hágöfgi gelti
einhverja skipun, bandaði frá
sér hendinni með konung-
legu látbragði, og Arabarn-
ir fjórir héldu áfram til dyr-
anna og skildu gimsteinana eft-
ir. Þeir höfðu skoppað efcir
gólfinu og dreifzt víðsvegar og
Ciro veitingahúsið breyttist nú
á augabragði í vitfirringahæli.
Ýmsir af frægustu mönnum og
konum Hollywood vörpuðu sér
á gólfið, rutt var um koll borð-
um og stólum og nokkrir af
þjónunum tóku þátt í stimping-
unum.
Krónprinsinn og hans menn
litu ekki einu sinni um öxl. Þeir
skunduðu út úr veitingahúsinu,
stigu upp í bifreið sína og hröð-
uðu sér burtu að unnum sigrL
*
Fyrir skömmu sagði Jim Mor-
an mér frá vélabrögðum sem
hann sá framin í salarkynnum
útvarpsstöðvar í Hollywood.
Hér var um að ræða íþróttatæki:
þungalyftivél, uppfundna og
búna til af Texasbúa. Vélin var
löng, og eins og kassi í laginu
hæðin frá gólfi var eitthvað
um eitt fet, og pallur á henni
miðri til að standa á. Á þessum
palli stendur maðurinn, sem
reynir kraftana, lýtur áfram,
grípur um handfangið og togar
í af öllum kröftum. Við hlið-
ina á handfanginu, beint fyrir
framan andlit mannsins, er
skífa með vísi, sem sýnir afl
hans. Jim reyndi hana sjálf-
ur. Hann átti að taka þátt í
útvarpsdagskrá sem krafðist
nokkurra daga æfingar og
fyrsta dag hans við útvarpsstöð-
ina var honum sýnd þessi
kraftamælingarvél.
,,Ég hef alltaf talið mig'
vel að manni,“ sagði hann, „og
ég steig upp á hana og laut
áfram og náði góðu taki á hand-
fanginu og tók svo á öllu, sem