Goðasteinn - 01.09.1963, Page 39

greiddist sundur og hvarf. Brátt baðaði jökulhjálmurinn sig heiður
°g hreinn í skínandi birtu himinblámans, og nú sýndist hann svo
ótrúlega nærri okkur. Innan skamms vorum við líka komnir á
leiðarenda við rætur Fimmvörðuháls.
Við stungum nestispakka í vasann, bundum stikur í búnt, tók-
um þær á axlirnar og lögðum af stað fótgangandi. Baldvin sneri
við á bifreiðinni, og var um samið, að hann sækti okkur inn í
Bása á Goðalandi síðari hluta dags. Vart mun það meira en
tuttugu mínútna gangur frá vegarenda upp að skála, en brattur
er síðasti spölurinn upp á brúnina. Við skálann vörpuðum við af
okkur byrðunum og tókum okkur hvíld. Útsýni var þarna hið
dýrlegasta til jöklanna í austri og vestri. í suðri gat að líta víð-
lendar heiðar með hæðum og fjöllum og í fjarska glampaði haf-
flöturinn. Fyrir norðan skálann tóku við berir melar og jökul-
hálsar með fönnum í slökkum og giljum. Fjær sáust brúnir Goða-
landsjökuls og strýtur Tindfjalla.
Skálinn á Fimmvörðuhálsi, sem Fjallamenn reistu 1940, virtist
fremur hrörlegur. Mun hann þó hafa verið vandað hús í upphafi,
en lítt haldið við síðari árin. Húsið stendur líka á mjög óhentug-
um stað, því að þarna á hábrúninni er óskaplegt veðravíti. Eftir
góða hvíld og margvíslegar athuganir, lögðum við land undir
fót á ný og völdum greiðfærustu leiðina norður yfir fjallið og
festum niður stikur með stuttu millibili. Byrjuðum við að setja
stikurnar norðvestur frá skálanum, því að heppilegasta göngu-
leiðin mun vera sú að fara fyrst til vesturs frá húsinu áður en
beygt er til norðurs og losna þannig við að vaða árkvíslina, sem
kemur eftir slakkanum þar fyrir norðan. Síðan héldum við áfram
um Þrívörðusker yfir á Bröttufannarsker á brún Goðalands. Hæðir
þessar á leiðinni munu nefndar sker sakir þess, að til skamms
tíma eða fram um síðustu aldamót, var þarna samfelldur jökull,
nema hvað hæstu hólar stóðu upp úr snjónum líkt og sker rísa
úr sæ. Um langan aldur var þarna fjölfarin leið, því að fyrrum
nytjuðu Eyfellingar Goðaland sem afrétt og ráku þá fé sitt vor
°g haust yfir Fimmvörðuháls.
Á Bröttufannarskeri opnaðist nýr og dásamlegur heimur. Fyrir
fótum okkar var Goðaland, stórbrotið og hrikalegt landslag með
Goðasteinn
37