Skírnir - 01.01.1882, Blaðsíða 60
62
SVISSLAND.
Svissland.
Minningarhátíð. — Sósialistafundur. — Burtvísan úr landi. — Fjallshrun.
— Gottharðsbrautin fullbúin.
Svisslendingar hjeldu þann 12. október hátíð í 400 ára
minningu þess, að hin gömlu fylki — 8 að tölu*) — tólcu
Freiburg og Solothurn i bandalag sitt. Hátíðin fór fram í
Stans (í Unterwalden) eða á sama stað við Vierwaldstádter
vatnið, þar sem sambandið á að vera eiðbundið 1481. þá
höfðu Svisslendingar sigrazt á Karli djarfa frá Borgund í þremur
orrustum, en sagan segir, að fylkin hafi orðið ósátt sín á milli
um inntöku hinna nýju fylkja, og sjerílagi um skipti herfangs-
ins, sem þeir höfðu fengið frá Borgundarmönnum. Rjett í því
er rimman var áköfust á fulltrúafundi fylkjanna, og nærri lá að
samband þeirra mundi slitna með öllu, á einsetumaður, Klaus
að nafni, að hafa komið til mótsins, og tekið þar svo til máls
um sáttir og -bróðerni, að hávaðinn sefaðist og öllum snerist
svo hugur, að nú urðu fylkin 10 í bandalagi Svisslendinga. A
þetta minntist sambandsforsetinn, Droz, sem kom þar til há-
tíðarhaldsins, í langri og snjallri ræðu, og kvað Svisslendingum
hjer mikið og minnilegt dæmi gefið til eptirbreytni, þar sem
þá deildi á um mál sín, eða eitthvað bæri til sundurleitni, eða
þeir greindust sjálfir eptir tungu, þjóðerni og 'trú. Allt kæmi
enn undir því, að allir fylkjabúar gættu góðs sanns og jafn-
aðar hverir við aðra, og að engra forræðisrjetti yrði hallað, en
því jafnframt, að allir játuðu helgi sambandslaganna, því þau
væru sá kastali þegnfrelsisins á Svisslandi, sem öllum bæri að
verja. Hjer mætti ekkert skilja sonu Svisslands, hvorki tunga
nje trú, eða neitt annað sem deildi álitum manna. Droz er
frá Neufchatel, þar sem franska er höfuðmálið, en hann talaði
hjer á þýzku, en i Unterwalden og öllum hinum elztu sambands-
fylkjum er sú tunga þjóðarmálið.
*) Schwyz, Uri, Unterwalden (bandafylkin frá 1316), Lucern, Ziirich,
Glarus, Zug og Bern.