Skírnir - 01.01.1882, Page 106

108
GRIKKLAND.
skelkaðir í fyrstu og legðu á flótta frá byggðum sínum, þá
sneru þeir brátt aptur heim til híbýla sinna, og þóttust síðan
eiga við vildari kosti að búa enn nokkurn tíma fyr. Hvað
fjárframlög snertir, hafa Grikkir orðið að koSta miklu til enna
nýju landeigna sinna, er þeir tóku 180 millíónir franka að
láni til herbúnaðarins. I enum nýju löndum þarf að taka til
mikils kostnaðar til allskonar landshagsbóta, og því er sagt, að
um langt muni líða, áður hjeðan hrjóti nokkuð af til muna í
ríkissjóðinn. Grikkir eru annars þegar byrjaðir á ymsum mann-
virkjum, t. d. að þurka upp Kopaisvatnið, og á járnbrauta.
lagningum, sem reiknað er að muni kosta 200 mill. franka.
þeir hafa ekki til þessa átt járnbraut lagða um meir enn hálfa
aðra mílu. Vant þykir að sjá, hvernig þeir eigi að standa
straum af svo miklum kostnaði, auk skuldagjalds og leigna,
þar sem tekjurnar eru ekki taldar til meira enn 60 millíóna
franka, utan þeir auki drjúgum skatta sína og álögur, en til
þess hafa þeir ávallt verið mjög tregir. — Fulltrúatalan frá
enum nýju löndum minnir oss sje 30, og af þeim væntir ráða-
neytið sjer fylgdar á þinginu til nýmælaframgöngu um nýja
skatta.
Danmörk.
Efniságrip: Af ágreiningi flokka; þinglok og þingbyrjun. :— Árferði;
ný fyrirtæki. — Minnisvarði Niels Juels. — Járnbrauta auki. — Lílcbrennu-
fjelag. — Af fundamótum. — Ritböfundar «vinstra megin«.— Ferðir þeirra
konungs og drottningar, krónprinsins og konu hans; kynnisleit til hirð-
arinnar. — Mannalát.
„Skírnir“ byrjaði Danmerkurþáttinn á því í fyrra, að sagan af
þingstappiDana væri orðin leiðindasaga, og skemmtilegri hefir hún
ekki orði'ð síðan. það mun vera leit á ríki, þar sem eins heggur
í sama far í flokkadeilunum og hjá Dönum, eða þar sem öllum
virðist koma svo saman um einn hlut: að láta hvorki reka