Skírnir - 01.01.1882, Blaðsíða 14

16
ENGLAND.
tíðindin nær enn margir hjeldu, og Parísarmenn kváðu hjá
sjer óvígan her þegar til þeirra búinn. En það var sem hinir
legðu lítinn trúnað á stóryrði þeirra.
Englan d.
Efniságrip: Nokkuð af málum Breta í Asiu og Afríku. — Deilan við
Ira (litill sögu inngangur og þær rjettarbætur, sem Gladstone hefir áður
fram haft. Úrræði stjórnarinnar árið sem leið; hinnýju landsleigulög; mót-
þrói Ira og tiltektir bændaijelagsins; foringjar þess höndlaðir m. fl.). —
Leiguliðafjelag á Englandi. — Frá Bradlaugh.
Undanfarin ár hafa Englendingar átt fram úr ymsum erfið-
leikum að kljúfa bæði í Asíu (á Afganalandi) og Afríku (við Zúlú-
kaffa og Transvalinga), en Viggar kölluðu þau vandræði og
ymsar ófarir, sem þeim fylgdu, hrein og bein sjálfskapavíti
Tórýstjórnarinnar. þegar þeir tóku við stjórninni, þóttust þeir
lika vinna ríkinu í beztu þarfir, er þeir ljetu herinn hverfa aptur
frá Afganalandi og skiluðu „Emirnum“ aptur þeim landeignum,
sem þeir höfðu undir sig tekið. þeir sögðu á þinginu, að
þetta og ekkert annað væri vel fallið til að gera Afgana að
hollum og vinveittum nágrönnum, en firra England — eða hið
mikla ríki þess í Asiu — þeim vitum framvegis, er það hefði
hlotið að gjalda sökum framhleypni og forsjáleysis Tórýstjórnar-
innar. I Afríku urðu þeir tregari á sáttirnar, því lið Eng-
lendinga fór þar svo halloka fyrir Transvalingum, sem sagt er
frá í fyrra i þessu riti, en tóku þó loks miðlunarmálunum í
stað þess að herða atfarirnar. Englendingar krefjast, að erind-
reki Bretadrottningar skuli hafa svo tilsjón með meðferð á
hinum innbornu mönnum (svarta fólkinu) og kjörum þeirra, sem
væri þeir hennar þegnar. Enn fremur áskilja Englendingar sjer
heimild á að koma tillögum sinum við, þar sem Transvalingar
vilja semja eittkvað við útlend ríki. Búar skulu ella njóta fulls
forræðis mála sinna, og setulið Englendinga er þegar kvaðt á
burt úr Transval. þó dráttur hafi orðið á samþykki þjóðar-
ráðsins í Transval, er stjórn Englendinga góðrar vonar um, að