Árbók Hins íslenzka fornleifafélags - 01.01.1951, Blaðsíða 26
30
faldi, ýmiskonar prjónlespjötlur, vettlingur og sokkaleistur. Um þetta
segir M. Þ. 9. 8. ’27: „Ekkert af innihaldinu í þessari sorpgryfju
hafði á sér þann blæ, að það væri frá fornöld, en vegna þess, hve
djúpt hún er í jörðu og hve mikið var af byggingarleifum ofan yfir
henni verður að álíta, að hún sé varla minna en 300 ára gömul“.
Sorpgryfja 2. Undir gólfi nr. 36 kom í ljós sorpgryfja (Sp. 2.)
á 175 sm dýpi, botn á -r-250 sm. Hún var rúma 6 m frá vesturenda
hússins og 4,5 m frá norðurhlið rannsóknarsvæðisins. Gryfjan var
120 sm breið frá austri til vesturs, norðurbakkinn var skýr, en suður-
takmörk óljós. Ræsi (R. 2) lá suður frá gryfjunni, og frá norður-
hlið hennar að enda ræsisins voru 180 sm. Ræsið var 4 m langt og
náði suður að vesturenda gólfs nr. 28/31. Breidd þess var um
30—40 sm. Yfir það voru lagðar spýtur, 60—80 sm langar, flest
sívöl rekaviðarkefli. Yfirgerðin var nyrzt á 165 sm dýpi, en syðzt
171 sm. Innihald gryfjunnar var sem mykja, blásvart eða grænleitt
og þefillt. I henni fannst kola, 2 brýni, nokkrar spýtur, snælduhali,
kýrkjálki, ýsubein, 2 hryggjaliðir, 2 hauskúpubrot, sútuð leðurræma,
þvengur, leifar af skóm, saumur af skinnflík og vefnaðarleifar.
Eins og fyrr segir, liggur þessi sorpgryfja undir gólfi nr. 36 og
hefur því ekki verið í sambandi við það gólf, og um önnur gólf er
ekki að ræða á miðsvæðinu. Yfirborð gryfjunnar er á 4-175 sm
(það kann þó að hafa sigið eitthvað), eðlileg hæð á tilsvarandi gólfi
væri -í-130 til -h160 sm. Til þess svara gólf nr. 28 (-f-135 sm)
og nr. 31 ( -r-140 sm.) Um fleiri gólf er naumast að ræða. Þá hefur
ræsið (R. 2) legið frá 28/31 til sorpgryfju 2, enda þótt yfirgerðin
væri 6 sm hærri í norðurendann.
Torfið yfir sorpgryfju 1 var á -f-160 sm, og gæti hún því upphaf-
lega hafa tilheyrt gólfum 28/31 (-f-135 til -f-160) og má í því
sambandi minna á svelginn og ræsið, sem liggur í sveig frá miðju
28/31 til gryfjunnar. Ræsi 1 liggur í jörð á milli nr. 20, sem er á
-f-110 sm og 35 (-4-145 til -j-175) og hlýtur því að hafa verið
notað frá nr. 20. Ræsið stefnir á sorpgryfju 1, og er trúlegt, að það
hafi verið grafið í jörð við vesturenda nr. 21 (-4-110 sm) eða 25
(-4-121 sm), en nr. 20 getur auðveldlega verið samtíma hvorri
þeirra sem er. Af þessu er ljóst, að í Sp. 1 ættu að finnast yngri
hlutir en í Sp. 2, en hins vegar ekki loku fyrir það skotið, að allt
eins gamlir hlutir finnist einnig í Sp. 1. Hér má geta þess, að tveir
mjög líkir kambar úr hvalskíði, sem eru einstakir að gerð hér á landi,
fundust, annar í sorpgryfju 1 en hinn í gólfi 21. Þess má og geta, að