Árbók Hins íslenzka fornleifafélags - 01.01.1951, Blaðsíða 28
32
viðtali, að muni hafa verið herzlunór í smiðju, enda hefur hann
talið gólfið smiðjugólf. Sunnan við leirkerið kom í ljós öskuþró,
skorin lóðrétt niður í gólfskánina. Hún var 80 sm löng austur-vestur
og 60 sm breið. Hún var sem sporbaugur að ummáli, en þverstýft
af austurendanum. Austan við kerfarið, mitt á milli þess og austur-
brúnar gólfskánarinnar, voru nokkrar hellur lagðar á gólfið á 186
sm dýpi. Þessir hlutir fundust: Gjallstykki, brýnisbútur, kvarnarsteins-
brot, snældusnúður úr leir og járnlöm.
Gólf nr. 39. Undir gólfskánunum nr. 33, 34 og 31 virtist vera
ein gólfskán. Dýpi á henni var 170 til 190 sm, breidd 4 m, en lengd
ekki minni en 20 m. Húsið hefur snúið frá austri til vesturs. Suður-
veggur mátti heita skýr alla leið, en norðurveggur var óljósari, en
sást þó á köflum. Gólfskánin náði ekki út að veggjaleifunum, en
var alls staðar skýr um miðbik gólfsins. Austurendi þessa gólfs var
mjög öskublandinn. Það var kolamylsnulagið, sem fannst, þegar
grafið var fyrir kjallara hússins 1926. Þessir hlutir fundust: 3 kljá-
steinar, brýni og brýnisbrot, grýtubrot (úr klébergi), steinkola,
koluskaft og kolubrot, vikurstykki, járnnagli, eirþynna, telgd spýta,
bein, skósóli, skóslitur og ofin pjatla.
Gólf nr. 40. Undir austurenda nr. 39 var gólfskán á 200 sm