Árbók Hins íslenzka fornleifafélags - 01.01.1951, Blaðsíða 47

51
og kotrutöflur eru þekktar frá Grænlandsbyggðum. Medd. om Grönl.
bd. 88. nr. 2, mynd. 111.
Peð úr manntafli, rennt úr hvalbeini, fannst í gólfi 21 og mun
líklega ungt (283).
Kubbur af neti, partur úr stórgripslegg, venjulegur, úr gólfi 34
(526).
Þrá&arleggur, skreyttur sammiðja hringum, eins og algengt var.
Fannst í sorpgryfju 1, á -j-160 (580). Fleiri heilir sauðarleggir
fundust, en óvíst er, hvort þeir hafa verið notaðir, en sumir eru merg-
sognir.
Tala úr rafi:
Við uppgröftinn fannst ein lítil, ljósgul raftala úr hálsfesti, 9 mm
í þvm. Fannst í gólfi 13, en aldur mun vant að ákveða (69).
Hlutir úr leir og gleri:
Ýmislegt úr leir og gleri fannst í uppgreftinum, allt í hinum efri
lögum. Voru hlutir þessir sendir til Nationalmuseet í Kaupmanna-
höfn til greiningar. Er í þessu yfirliti stuðzt við þá greiningu.
Þýzkt steintau. Alls fundust 10 brot, sem skilgreind eru sem þýzkt
steintau (Steinzeug), þar af 2 frá 18.—19. öld, enda fundin ofarlega,
en 7 eru frá 15.—16. öld. Þau eru þó flest ofar í mannvistarlögun-
um en þessum aldri svarar, og má það vera skiljanlegt. Eitt brot frá
15. öld fannst í gólfi 30 eða 34 og eitt frá 15.—16. öld í sorpgryfju
1, og var það neðst brotanna, á -r-160.
Leirkerabrot. 7 brot eru skilgreind sem ,,pottemagergods“, þ. e.
frumstæð, vægt brennd ker, flest úr rauðum leir, talin frá 17.—19.
öld, hið neðsta á -j-160. Uppruna ekki getið, og mun hann að lík-
indum torráðinn, en útlend eru þessi brot eins og annað þess háttar.
(Hér er talið með eitt brot, sem í greinargerðinni frá Nationalmuseet
er sagt geta verið frá 13.—14. öld, en munu þó líklega yngra. Þetta
er örlítið rautt brot, fundið ofarlega, og virðist óheimilt að fullyrða
neitt um aldur þess).
Gljáhú&aS leirtau. 7 brot eru skilgreind sem „glaseret fajance",
sum kölluð ensk að uppruna, öll fundin ofarlega, flest frá 19. öld,
hið dýpsta úr gólfi 25 á -=-120, talið frá 17.—18. öld.
Glerbrot. í efstu lögunum fundust nokkur brot af grænu flösku-
gleri. Auk þess fundust nokkur brot önnur, hvít og græn, hið elzta
talið frá ca. 1700, úr gólfi 24, á -r-115.