Andvari - 01.01.1971, Síða 24

22
BERGSTEINN JÓNSSON
ANDVARI
Að endingu skal það tekið fram, að allt fór þetta fram munnlega í milli
mín og bréfritarans. Skriflegt og endanlegt liggur ekkert fyrir um mál þetta
fyrr en nú. ...“
Það varð úr, að stjórnarmenn ákváðu að huga betur að máli þessu, og
skyldu þeir lesa bandrit Helga í ákveðinni röð.
Næst ber rit Helga á góma í fundargerð frá 29. jan. 1935, en þá er þetta
bókað: „... I samræmi við umr. á síðasta fundi var gerð eftirfarandi samþykkt:
Með því að hr. fiskifulltrúi Helgi P. Briem hefur boðizt til að breyta til-
boði sínu á þá leið, að bók sú, sem hann hefur boðið félaginu, komi ekki út
á vegum þess fyrri en með ársbókum árið 1936, þá samþykkir stjórn félagsins
að ganga að tilboði hans að því tilskildu:
1. að bókin sé afhent til félagsins eigi síðar en í maí 1936.
2. að sala hennar í bókabúðum hefjist eigi fyrri en um leið og bækurnar eru
útsendar til félagsmanna.
3. að félagið greiði 5000.00 kr. fyrir 1300 eintök, enda fái það hvert eintak,
er Iþað kynni að þurfa að auki til félagsmanna sinna 1936, fyrir 4.00 kr.,
allt að 50 eint.
Idelgi P. Briem var viðstaddur á fundinum og gekk að þessum kostum. ...“
Gre'nilegt virðist, að í þessu máli hafi forseti verið borinn ráðum eða hann
verið knúinn til þess að slaka til. Mun það hafa verið honum nýstárleg reynsla
í félaginu og honum ekki hugnað það alls kostar. Hann átti nú að baki langan
feril í þjónustu og forystu Þjóðvinafélagsins, og má hann auk Tryggva Gunn-
arssonar teljast sá, sem mestan hlut átti í, að félagið var enn lífs.
Oðrum fremur hafði dr. Páll hrifið félagið upp úr örbirgð og basli og
komið því til nokkurs gengis á ný. Hitt er annað mál, að fáum hentar að
staðnæmast of lengi í stjórn lifandi og starfandi félagsskapar; kunna báðii
aðilar að skaðast á því, maður og félagsskapur. Eitt er víst: Þjóðvinafélagsins
verður ekki minnzt fyrstu öld þess, svo að dr. Páll sé ekki nefndur með til-
hlýðilegri virðingu.
Það kann að hafa st.iöið í sambandi við þessi væntanlegu umskipti, sem
táknuðu tímamót í sögu félagsins, að Barði Guðmundsson bar fram svo hljóð-
andi tillögu:
„Þar eð svo er ákveðið i löguin Ilins íslenzka þjóðvinafélags, II. kafla 2.
gr. 2. tölul., að forstöðunefnd félagsins hafi á hendi „aðalstjórn og yfirumsjón
allra félagsmála”, þá geri ég það að tillögu rninni, að þegar í stað verði komið
á verkaskiptingu innan forstöðunefndarinnar, þannig að kosnir verði gjaldkeri
og ritari, sem ásamt forseta félagsins annist dagleg stjórnarstörf."