Andvari - 01.01.1971, Page 25

ANDVAHI
HIÐ ÍSLENZKA ÞJÓÐVINAFÉLAG
23
Dr. Guðmundur Finnbogason flutti þá þessa breyt. till.: „Afgreiðsla og
reikningshald sé á hendi sama manns.“
Breytingartillagan féll með jöfnum atkvæðum, 2 gegn 2, en einn sat hjá.
En tiilaga Barða var síðan samþykkt óbreytt með 3 samhljóða atkvæðum.
Þá kom til framkvæmdar hin nýja skipan. Lýsti Pálmi rektor yfir því, „að
hann væri tilleiðanlegur eftir atvikum að taka að sér að gegna forsetastörfum
það sem eftir er þessa kjörtímabils".
Síðan var Barði Guðmundsson adjunkt kosinn gjaldkeri, en dr. Þorkell
Jóhannesson ritari.
Þar með lauk löngunr og farsælum forsetaferli drs. Páls Eggerts Ólasonar í
Þjóðvinafélaginu.
Hið fyrsta, sem bráðabirgðastjómin ræddi, var að huga að félagatölu og
láta prenta lista yfir þá í Andvara. Svo og að skrá bókaforða félagsins og athuga,
hvort ekki mætti bjóða bækurnar félagsmönnum með sérstökum kjömm. Er slíkt
algengt ráð hjá bókafélögum til þess í senn að losna við eldri bækur og afla
nýrra kaupenda.
Þannig var á stjórnarfundi undir árslok 1936, nánar tiltekið 12. nóv., sam-
þykkt að reyna að auka félagatal Þjóðvináfélagsins með boðsbréfi til nokkurra
manna. Var þeim boðið upp á kjarakaup á síðustu 10 árgöngum félagsbókanna,
ef þeir gerðust félagar og greiddu árstillag fyrir 1936.
Eitt með öðm, sem kann að sýna, að félagið gerðist gamlað og horf þess
fullnægði illa kröfum tímanna, ur eftirfarandi athugasemd endurskoðunar-
manna þess, Boga Ólafssonar og Þórarins Kristjánssonar, með reikningum þess
1936: „Um fyrirkomulag bókhaldsins, eins og það hefur verið undanfarin ár,
viljum við gera þessar athugasemdir:
1) Kassabókin er ekki nógu greinilega færð og fylgiskjölin meðal annars
ótölusett.
2) Viðskiptamannabók er ófullkomin og óaðgengileg, vantar t. d. viðunan-
lega nafnaskrá um útsölumenn.
3) Engin allsherjarskrá er til um meðlimi félagsins og viðskipti þeirra.
Við lítum svo á, að engan veginn megi lengur dragast að kippa í lag þeim
göllum, sem á bókhaldinu eru, og leggjum til, að nú þegar sé upptekið ná-
kvæmara og fullkomnara bókhald hjá félaginu heldur cn verið hefur.“
Er að sjá sem þegar hafi verið orðið við þessum tilmælum.
Bókaútgáfa félagsins 1938 var með nýjum hætti og öllu meiri en næstu
arin á undan. Auk ársritanna föstu kom þá út 1. hluti I. bindis, 12 arkir, af
Bré/tmi og ritgerðum Stephans G. Stephanssonar; ennfremur Örnefni í Vest-