Hlín - 01.01.1949, Page 60

58 Hlín
staklega að stofnað yrði bindindisfjelag fyrir unglinga
og börn hjer á staðnum.
Á fyrsta starfsári sínu kom fjelagið upp basar, með
munum, sem konurnar gáfu, og var leigt húsnæði fyrir
hann til langs tírna, svo ekki hefur nú gengið fljótt með
söluna. Konurnar skil'tust á um að sjá um afgreiðslu á
basarnmn. Upp úr þessu fyrirtæki höfðu þær töluvert fje.
Árið 1898 gekkst fjelagið fyrir að lagður yrði vegur
hjeðan úr þorpinu og inn á flæðarnar, svo íbúar staðar-
ins gætu komist með góðu móti burt af mölinni, en þá
voru aðeins götutroðningar hjer inn með brekkunum.
Fjelagið varði til þessa fyrirtækis talsverðu fje. Sumar
fjelagskonur, sem höfðu mannaforráð, gáfu dagsverk í
veginn. Nokkur næstu ár varði fjelagið talsverðu fje til
framhalds og viðhalds þessum stíg. Þorpsbúar kölluðu
liann „frúarstíg".
Árið 1899 hjelt fjelagið fyrstu barnaskemtun sína. En
síðan hefur sá siður aldrei fallið niður að halda skemtun
fyrir börnin á hverjum vetri eftir nýár. — Og það er
skoðun mín, að ekkert það, sem fjelagið hefur int af
höndum í þágu annara, hafi verið betur þegið. Blessuð
börnin þiggja að koma til okkar og skemta sjer þennan
barnanna gleðidag.
1 maí 1899 hóf fjelagið handavinnukenslu fyrir ungar
stúlkur og telpur. Námsskeiðið stóð mánaðartíma, 2 tíma
á dag. — Kenslukonan tók 25 aura á tímann í kaup. Slík
námsskeið hjelt fjelagið árum saman á ýmsum tímunr
árs. Af þeim varð mikill árangur og þau voru öll vel sótt.
Eftir að handavinna varð skyldunámsgrein í barnaskól-
anum, lögðust þessi námsskeið niður að mestu leyti.
Á næstu árum eftir það, útvegaði fjelagið kenslukonu
og húsnæði til að sauma í, og var það aðallega til að
ljetta undir með húsmæðrum að koma upp fötum fyrir
jólin. Þessi námsskeið voru ákaflega vinsæl og vel sótt,
en því miður höfum við ekki getað haldið þeim áfram