Hlín - 01.01.1949, Qupperneq 61

Hlín 59
nú síðustu árin vegna þess að engin kenslukona hefur
fengist.
Eftir aldamótin hjelt fjelagið námsskeið fyrir drengi
í útskurði og annari handavinnu í nokkur ár, þau lögð-
ust einnig niður, þegar farið var að kenna þetta í barna-
skólanum. — nú fram til síðustu ára liefur fjelagið haldið
námsskeið öðru hvoru í matreiðslu og fleiru.
í febrúar árið 1900 kom fjelagið upp leiksýningu í
fyrsta sinn. Leikin voru tvö leikrit: „Annarhvor verður
að giftast“ og „Jómfrúin". — Síðan hefur fjelagið aflað
sjer mestra tekna með því að koma upp leiksýningum,
og var það um eitt skeið góður tekjuliður. En eftir að
Leikfjelag Sauðárkróks var stofnað, hefur fjelagið ekki
sjeð sjer fært að halda þessu áfram, nema að sýna smá-
leiki einu sinni eða tvisvar á vetri til að afla nokkurra
tekna.
25. nóvember árið 1900 stofnaði fjelagið sjóð, sem það
nefndi Ekknasjóð Skagafjarðarsýslu. — Það lagði fram
nokkurt fje úr fjelagssjóði og gekst fyrir samkomum, og
fjekk þannig nokkurt stofnfje, sem lagt var í Söfnunar-
sjóð íslands. Seinna, þegar sveitakonurnar voru farnar
úr fjelaginu, vildu fjelagskonur fá eignir sjóðsins fluttar
hingað í Sparisjóð Sauðárkróks, og breyta um leið nafni
hans í Ekknasjóð Sauðárkróks, til þess að afrakstur hans
mætti korna að gagni fátækum ekkjum þessa staðar. En
þetta fjekst ekki og varð því fjelaginu ekkert gagn að
því fje og vinnu, sem lagt liafði verið fram í þessu
skyni. — Fjelagið undi þessum málalokum svo illa, að
árið 1916 var stofnaður annar sjóður, sem nefndur var
Ekknasjóður Sauðárkróks. Stofnfje var 650 kr. En fjelagið
skuldbatt sig til að leggja árlega talsverða upphæð í sjóð-
inn. — Nokkrum árum síðar ljet fjelagið prenta Minn-
ingarspjöld fyrir sjóðinn, og hefur sala þeirra orðið hon-
um mikil tekjulind. — Árið 1920 var í fyrsta sinn veitt
fje úr sjóðnum þreni fátækum ekkjum. Síðan hefur verið