Hlín - 01.01.1949, Page 155
Hlín 153
jurtir. sem liandbærar voru: Rabarbari, nýr og þurkaður. heimilisnjóli,
arfi, maríustakkur, gulmura, beitilyng, smári, mosi o. m. fl. —
Voru þarna litaðar á viku 255 hcspur af Gefjunarbandi, auk nokkurs
af heimaunnu bandi. — Litbrigðin á hespunum voru mjög fjölbreytt,
og voru 2—4 litbrigði af hverjum lit. —
Urðu þessir dagar okkur öllum til ógleymanlegrar gleði og gagns. Við
erum kennaranum mjög þakklátar, og seint mumira við gleyma kvöld-
unum okkar hlýju heima hjá frú Rannveigu Gunnarsdóttur scm bar
þetta mest uppi með sínum óþreytandi áhuga og dugnaði.
H.
Frá sambandi N.-Þingcyskra kvenna:
Veturinn 1948—49 voru haldin vefnaðarnámsskeið í 4 kvenfjelags-
deildum, voru einn mánuð á hverjum slað, og voru ofin á 5. hundrað
stykki á námsskeiðunum. l>á kont sjer vel jurtalitaða bandið.
Frá Eskifirði er skrifað veturinn 1948:
Þú ert að spyrja um starfsemi kvenfjelagsins okkar. Við höfum unnið
töluvcrt síðastliðið ár mest úr ull. Prjónað mikið úr lopa: Peysur á
drengi og golftreyjur á kvenfólk og mikið af leistum, sömuleiðis drengja-
peysur úr bandinu sem þú sendir okkur frá Gefjunni, einnig prjónuðum
við barnasokka úr því bandi. Og þctta seljum við jafnóðum. Eftirspurn-
in er svo mikil að ekkcrt hrekkur. Við liöfum það þannig, að fjelagið
kaupir efnið, en konurnar gefa vinnuna. Þegar við höfðum unnið úr
öllu efninu. sem þú útvegaðir okkur, og alt var selt. höfðum við alla
lopana fría, spunnum þá og erum nú að prjóna úr þeim karlmanns-
sokka. — Á fundum sitja nú allar með prjóna, og tvær konur eru venju-
lega kosnar til að skemta með sögu- og kvæðalestri og reikar þá hugur-
inn aftur í tímann, er setið var í baðstofu að tóvinnu á vetrarkvöldum,
og einhver skemti með sögulestri. —
Við erum altaf að vinna fyrir óskabarninu okkar, skrúðgarðinum.
nú er öll vinna svo óhemju dýr, að ókleyft er að láta vinna nokkuð. Við
erum búnar að gróðursetja á annað þúsund plöntur. sem í vor verða
þriggja ára. Síðastliðið sumar voru þær ljómandi fallegar, og vonum
við að á komanda sumri getum við farið að leyfa almenningi að ganga
þar um sjer til skemtunar. — Gosbrunn höfum við látið steypa þar og
komið fyrir vatnsleiðslu, en okkur vantar dreyfarann og erum nú að
safna fje til kaupa á honum.
Fjelagið hefur gefið töluvert af peningum i vetur, bæði til barna-
söfnunarinnar og í fyrirhugaða sundlaug, er byggja á hjer í þorpinu.
Úr Skriðdal er skrifað veturinn 1947:
Síðustu vikuna af október fengum við hingað matreiðslukennara,
Guðrúnu Jensdóttur, sem í vetur starfar að sýniskenslu í matreiðslu á