Morgunn - 01.06.1940, Side 22

16
MORGUNN
að vera það fagnaðarefni, sem spiritisminn segir um þessa
hluti.
Fjöldamargir sálarrannsólcnamenn, og þ. á m. ýmsir
lærðir læknar, hafa komizt að þeirri niðurstöðu, eftir
nákvæmar og ítarlegar rannsóknir, að hin svonefnda
,,andsetni“ sé sönnuð staðreynd, nfl. það, að vissum teg-
undum geðsjúkdóma valdi óþroskaðar verur frá lægri
sviðum andaheimsins, og að unnt sé að lækna menn af
þessum sjúkdómum með því að losa þá við verurnar, sem
þessum truflunum valda, eða m. ö. o. með því að reka út
af þeim illa anda, eins og N.tm. orðar það.
Ég geri ráð fyrir, að mörgum yðar séu kunnar skoðan-
ir varaforseta Sálarrannsóknafélags íslands, próf. Þórð-
ar Sveinssonar, geðveikralæknis, á þessum hlutum, en
hann er ekki einn um sínar skoðanir. Nafnfrægur læknir,
dr. Wickland í Los Angeles, hefir komizt að sömu niður-
stöðu og læknar marga með hjálp konu sinnar, sem er
miðill. Heimspekingurinn frægi, próf. Hyslop, sem var
rector Columbia-háskólans í Bandaríkjunum, komst að
sömu niðurstöðu eftir rannsóknir sínar með þekktum
lækni, dr. Bull. Dr. Stevens, sem einnig er Bandaríkja-
maður, tókst m. a. að lækna sálsjúka stúlku eftir sömu
forsendum; hinn varfærni vísindamaður, dr. Hodgson,
rannsakaði aðferðir hans og árangurinn og gaf síðan
út yfirlýsing um, að ómögulegt væri að komast fram hjá
því, að um andsetni, ,,obsession“, hefði verið að ræða,
stúlkan hefði sannanlega verið haldin af illum anda.
Loks tóku fjórir Lundúnalæknar fyrir fáum árum hönd-
um saman til að reyna aðferðir dr. Wicklands, og eftir að
furðuleg lækning hafði fengizt á tveim sálsjúkum mönn-
um flutti einn af læknunum opinbert erindi í Lundúna-
borg um árangurinn.
Ég get aðeins þessara tilrauna, sem gerðar hafa verið
undir strang-vísindalegum skilyrðum, en um hitt eru eng_
ar fullnægjandi skýrslur til, hve mikla hjálp miðlarnir,
bæði hér og erlendis, hafa veitt sálsjúku fólki.