Morgunn - 01.06.1940, Qupperneq 98

92
MORGUNN
kennilegar sýnir, að þeir sjá löngu liðna atburði allt í
einu ljóslifandi fyrir sjónum sínum, atburði, sem bafa
gerzt fyrir tugum og hundruðum ára. Þar mætti nefna
fjölda atvika, en til þess er ekki tími að þessu sinni. Orð
leikur á því í Englandi, að menn heyri enn í dag vopna-
og sverðaglamur, köll og óp á sumum þeim stöðum, þar
sem barizt var á dögum borgarastyrjaldarinnar, og Pre-
vost Battersby segir frá því, í sambandi við ritdóm um
bók Blands, að þá nýlega hafi nokkrir menn í Horley
skýrt frá því, að þeir hafi séð Harald konung með Saxa
sína, en hann fór um þessar slóðir, þegar hann fyrir
löngu síðar hélt til móts við Vilhjálm af Normandi. Einn
staðurinn þarna heitir enn í dag Harolds Lea, og er
sagt, að þar.hafi konungurinn haft náttból með her-
mönnum sínum. Og sagt er að margir hafi heyrt þetta
og séð þessu líkt kvöld eftir kvöld.
Sé hér rétt farið með, og engin ástæða er til að halda
að hér sé um skröksögur að ræða, því að sannanlegt er,
að slíkt hefir oft gerst á ýmsum stöðum, þá er eðlilegt
að menn spyrji: Hvernig stendur á þessu, er konungur-
inn enn á reiki um þessar slóðir með sveit sína, eða er
hér aðeins um að ræða myndir liðinna viðburða, sem
tengst hafa við þessa staði? Ég skal játa, að mér finnst
hið síðarnefnda miklu sennilegra. Ég á nokkuð örðugt
með að hugsa mér, að konungi þessum og mönnum hans
sé ekki nú eftir hundruð ára orðið ljóst hið raunveru-
lega hlutskipti sitt, að þeir séu enn að reika um á þess-
um fornu slóðum í sömu erindum og þá. Sé sú tilgáta
rétt, sem ýmsum þykir sennileg, að myndir liðinna við-
burða og löngu hugsaðra hugsana festist með einhverj-
um dularfullum hætti við staðina, sem viðburðurinn
gerðist á, þá séu það í raun og veru myndir þeirra, sem
nútímamanninum birtist á slíkum stöðum, og ef til vill
má skýra ýmsa dulræna viðburði með þessum hætti, t.
d. ýmsar reimleika sagnir og aðrar slíkar, án þess ég