Tímarit Máls og menningar - 01.05.1987, Side 50

Tímarit Máls og menningar
Hugtakið Mið-Evrópa er í senn óljóst og auðugt og nær yfir ákaflega
merkilega hluti í bókmenntum og listum. Þetta er í raun heill heimur sem
ekki var talinn til Evrópu, eða menn létu sem ekki væri til. En nú hafa menn
eins og Milan Kundera og fleiri leiðrétt þennan misskilning og bent á
sérkenni þessa hluta Evrópu. Aður var menning þessara landa lögð að jöfnu
við menningu Rússa, sem er alveg út í hött!
Eg kann vel við mig í samhengi miðevrópskra bókmennta. Það er reyndar
eini stimpillinn sem ég get sætt mig við. Ég er ekki einn af rithöfundum
Gyðinga því ég er trúlaus. Eg upplifði hörmungar stríðsins, en er þó ekki
Gyðingarithöfundur, jafnvel þó að Gyðingar séu hluti af viðfangsefni mínu.
Þegar á allt er litið kann ég vel við mig meðal miðevrópskra höfunda vegna
þess að þetta er suðupottur tungumála og þjóða sem mynda menningu, eða
öllu heldur „menningar" sem auðgast hver af annarri og kunna þá list að
hlæja að sjálfum sér.
Friðrik Rafnsson skráði.
176
\